Policia e Tiranës ka sekuestruar një shumë të madhe parash duke goditur dy raste të këmbimit valutor pa licencë përballë Bankës së Shqipërisë.<br /><br />Shtatë persona janë proceduar penalisht në gjendje të lirë. Ata janë M. H, Sh. Sh, L. J, R. F, A. Z, A. M. dhe Y. M.<br /><br />Gjatë aksionit të befasishëm u sekuestruan 21 milionë lekë, 23.300 Euro dhe 9500 Dollarë.<br /><br />Policia e Tiranës thotë se do të vazhdojë kontrollet e befasishme për parandalimin, evidentimin dhe ndëshkimin ligjor të çdo personi qe merret me aktivitet të kundërligjshëm, kryesisht në këmbimin valutor pa licencë ose jashtë objekteve të përcaktuara nga Banka e Shqipërisë apo Autoriteti i Mbikëqyrjes Financiare.<br /><br />Materialet procedurale i kanë kaluar Prokurorisë së Tiranës për veprën penale ?Ushtrimi pa licencë i veprimtarive financiare?.
