Ditë tepër e vështirë për betejën me koronavirusin në Itali. Vetëm në 24 orët e fundit kanë humbur jetën 23 persona, një shifër rekord për një periudhë kaq të shkurtër kohore, duke e çuar në total në 52 numrin e viktimave.<br /><br />Po ashtu janë shënuar mbi 500 të infektuar të tjerë duke e çuar në mbi 1800 numrin total të tyre. Të moshuarit janë mosha më e rrezikuar ndaj dhe autoritetet italiane u bënë thirrje personave mbi 65 vjeç, të shmangin sa më shumë daljen nga shtëpitë. Rajanair, një tjetër linjë e madhe ajrore ka reduktuar në maksimum fluturimet drejt Italisë.<br /><br />Koronavirusi numëron tashmë mbi 3 mijë viktima në gjithë globin dhe mbi 88 mijë të infektuar. Problem tani nuk është më Kina, ku numri i të infektuarve ka rënë në mënyrë drastike krahasuar me muajin e kaluar kur u arrit kulmi, siç duket edhe në këtë grafik.<br /><br />Me ritme të shpejta, koronavirusi ka nisur të përhapet në gjithë globin, duke prekur më shumë se 60 vende të botës. Në Korenë e Jugut, vendi i dytë në botë pas Kinës me numrin e të prekurve, ku numërohen 26 viktima. Por numrin më të lartë të viktimave pas Kinës e ka Irani ku tashmë numërohen 66 të vdekur.<br /><br />Koronavirusi po përhapet gjerësisht edhe në kontinentin amerikan. Shtetet e Bashkuara shënuan viktimën e dytë, ndërsa 86 janë të infektuarit. Pas Brazilit, vendi i dytë i infektuar është Ekuadori, ku 5 të infektuarit e radhës kanë lidhje me rastin e parë të shënuar në këtë vend.<br /><br />Ekspertët e ekonomisë përllogarisin 5 triliardë dollarë humbje në tregjet globale për shkak të koronavirusit.<br /><br />Tv Klan
