#Rudina, një program nga autorja dhe moderatorja #RudinaMagjistari, një prej emisioneve më të ndjekur dhe të dashur për publikun duke ofruar tema të larmishme për të gjithë familjen.<br /><br />Mes ritmeve të muzikës klasike dhe madhështisë së veshjeve mondane frymëzuar nga shekulli i 19-të, të shtunën më datë 22 shkurt u mbajt një event special. Një ballo sa tradicionale aq edhe moderne mblodhi bashkë të gjithë adhuresit e muzikës klasike, të cilët respektuan kodin e veshjes dhe mbajtën maska gjatë gjithë mbrëmjes. Organizuar nga ?Hemingëay Fan Club Albania? dhe partnerët e tij Ballo me maska i dha madhështi ?Pallatit te Brigadave? si rrallëherë. Mbrëmja nisi me pritjen e të ftuarve siç i shkon rastit në fjalë dhe pas saj nisi muzika klasike që i ftoi të gjithë të kërcenin vals. Numri i hapjes ishte një performancë në piano e shoqëruar nga një artiste e operas që këndoi me shumë emocion. Më tej pati disa performanca të tjera me belly dancer dhe balerina. Këto të fundit, ndriçuan sallën me dritat e instaluara në trup. Përpara se mbrëmja të lihej e lirë për të gjithë ata që donin të pushtonin pistën duke vallëzuar nën ritmet e muzikës klasike, një vajzë me trupin e pikturuar parakaloi në sallën e mbushur plot me të ftuar.<br /><br />WEB: https://tvklan.al/<br />Facebook: https://www.facebook.com/tvklan/<br />Instagram: https://www.instagram.com/rtvklan/
