Presidenti serb, Alleksandar Vuçiç, në vizitë në SHBA ka thënë se miqësia me amerikanët i duhet Serbisë. Për serbët ende nuk duket e qartë nëse Kosova ka hequr tarifën apo jo. Por reciprocitetit i është përgjigjur me vizitën e tij, shefi i diplomacisë serbe, Ivica Daçiç, i cili ka sjellë lajmin për tërheqjen e njohjes nga Siera Leone.<br />Ekspertët besojnë se dialogu është alternativë e vetme. Por taksa duhet të hiqet si pengesë. Kosova, beson analisti Dejan Miletic, është në pozitë më të dobët. Zgjidhja me marrëveshje është e domosdoshme pasi largimi nga mundësia duket si opsion.<br />"Nëse jeni institucione serioze atëherë gjërat që janë dakorduar zbatohen, e jo të mendohemi: të heqim taksën apo jo dhe gjëra të tjera që ndodhin edhe këtu edhe atje. Duhet të gjejmë një mënyrë për të tejkaluar status quon".<br />Jaksha Shcekiç, beson se megjithatë problemi është se as presidenti serb nuk mund ta kaloj lehtë një marrëveshje të mundshme me Kosovës. Ai thotë se është zgjeruar kurse për Serbinë e sheh problem edhe qëndrimin e kishës.<br />"Në Prishtinë ekziston problemi i marrëdhënies në mes të kryeministrit dhe presidentit, por edhe marrëdhëniet Prishtinë-Tiranë. Amerikanët duan të bëjnë presion dhe janë pragmatik. Duhet ditur nëse pyetet Uashingtoni apo Brukseli, ndërkohë Rusia ka ndryshuar qëndrim".<br />Përgatitjet për dialogun Kosovë-Serbi kurrë nuk janë dukur më të larta. Dy emisarët amerikan dhe një nga BE-ja pritet të merren më ketë çështje. Por aq sa flitet për zgjidhje, aq vështirë duket kompromisi për fillimin e dialogut.
