Unioni Turistik Shqiptar i ka dërguar një letër të hapur kryeministrit Edi Rama duke i kërkuar që të hiqet fasha orare, të lejohet ushtrimi i aktiviteteve, të lejohet hapja e plazheve dhe me pas të hapet kufirit tokësore për turizmin rajonal. Sipas tyre deri në fund të muajit maj duhet të hapet një turizëm i organizuar dhe i kontrolluar, duke i dhënë mundësinë sektorit që të mbijetojë.<br /><br />Edhe pse sektori i turizmit është i përfshirë në paketën e dytë të qeverisë ku 10 mijë të punësuar në sektor do të përfitojnë 40 mijë lekë në muaj, unioni thotë se vazhdojnë të kërkojnë një paketë të dedikuar atij.<br /><br />Në letër ata ngrenë shqetësimin se masat parandaluese të ndërmarra kanë rënduar gjendjen e biznesit dhe nëse sezoni turistik nuk hapet të paketën në 18 maj shumë biznese do të falimentojnë, dhe rreth 70% e të punësuarve rrezikojnë të humbasin vendin e punës.<br /><br />Nga ana tjetër në letër thuhet se aktiviteti i agjencive turistike, operatorëve turistik, guidave apo edhe transportuesit janë pothuajse në pikën zero të aktivitetit të tyre. Sipas unionit vetëm 70% e hoteleve janë të hapur edhe pse nuk kanë aktivitet.<br /><br />Sa i takon operatorëve ndërkombëtar, unioni thotë se ata janë të gatshëm të ulin charterat e tyre në 1 qershor në Rinas, pasi kanë kryer parapagime për hotelet. Po ashtu nga ana tjetër ata shprehen të gatshëm për të zbatuar protokollin mjekësor të miratuar nga Ministria e Shëndetësisë, në mënyrë që të shpëtohet një nga sektorët që sjell 26% e të ardhurave totale të Prodhimit të Brendshëm Bruto.
