Në Strugë edhe sot reagime të shumta për kremtimin e djeshëm të Shën Gjergjit ku edhe përkundër ndalesës së grumbullimit të njerëzve, disa qindra qytetarë dolën dhe iu bashkëngjitën kortezhit kishtarë në rrugë. Kisha nuk sheh faj në këtë ngjarje.<br /><br />Thotë se peshkopi Timotej tre herë i ka ftuar qytetarët të qëndrojnë në vendet e tyre dhe të mos e ndjekin kortezhin.<br /><br />Pas thirrjes së tij që populli të mos na ndjekë, le të presë atje ose të shpërndahen, ndërsa ne do e kryejnë ecjen tradicionale, megjithatë populli iu bashkëngjit kortezhit sa që edhe policët që na dolën në ndihmë, u ballafaquan me probleme -deklaroi At Vasko- Kisha Shën Gjergji ? Strugë.<br /><br />Nga Kisha thonë se në bashkëpunim me policinë kanë përpunuar plan operativ si të organizohet ngjarja, populli të ndalohet të mos e ndjekë kortezhin, por nuk ia kanë dalë në këtë. Prokuroria themelore e Strugës ka hapur lëndë për këtë rast. Ka dorëzuar kërkesë në MPB dhe në policinë e Strugës t?i zbulojnë kryerësit e veprës së mundshme penale.<br /><br />Veprimi i Prokurorisë është për grumbullimin e qytetarëve në ngjarje fetare në kushte pandemie kur nuk janë respektuar vendimet e Qeverisë për respektim të domosdoshëm të rregullave shëndetësore dhe ndalesën për grumbullimin e njerëzve në grupe prej më shumë se dy personave, distanca e nevojshme prej të paktën dy metra dhe vendosjen e domosdoshme të maskave nëse hapësira mes qytetarëve është më e vogël sesa parashihet me rregullat - njoftojnë nga Prokuroria Themelore e Strugës.<br /><br />Nga shtabi komunal i krizave në Strugë thonë se nuk kanë qenë të informuar për ngjarjen.<br /><br />Në momentin kur presim masa lehtësuese dhe kthim në jetën e përditshme nuk ishte e nevojshme të mbahet një ngjarje e tillë që të na kthejë në fillim të situatës - thonë nga Shtabi i Krizës- Strugë.<br /><br />Tradita e këtij kortezhi në Strugë ka prejardhje prej para disa shekujsh, ndërsa sërish filloi të shënohet para disa viteve. Kortezhi mbahet në ditën e dytë të festës së Shën Gjergjit.<br /><br />Miki Trajkovski
