Fermerët e fshatit Lumalas të Korçës kanë hedhur mijëra ton patate, mundi dhe puna një vjeçare, ku humbjet arrijnë dhjetërta e miliona lekë.<br /><br />Bujqësia prodhon por nuk shet dot. Një fakt të tillë e tregojnë tonelatat me patate të mbetura stok në magazina dhe flakja e prodhimit bujqësor në fushat e fshatit Lumalas të Korçës.<br /><br />mporti i patates nga Kosova, por dhe mungesa e lëvizjes për shkak të pandemisë paralizoi tregun duke zeruar shanset e shitjes për këtë prodhim.<br /><br />Fermerja Luljeta Shahollari tregon se humbja është e konsiderueshme, në dy javët e fundit patatja në Lumalas është shitur nën kosto me 10 lek për kg, por tashmë shitjet kanë stopuar.<br /><br />"Që para 15 ditësh filloi nën kosto, por nuk është më, nuk ka ardhur një njeri që të thotë urdhëro 5 lekë për këtë dëm që të është bërë. Sivjet kemi prodhuar 20 mijë kuintalë patate, kemi shitur 12 mijë, 8 mijë janë gjendje, na bllokon shumë malli i futur nga Kosova", është shprehur ajo.<br /><br />Fermerët ndihen të braktisur nga shteti edhe në Kukës. Në fshatrat e Shishtavecit, shitja e patates me të cilët fermerët e kësaj zone sigurojnë jetesën është bllokuar.<br /><br />"Kam mbjellë 5 dylym dhe kam marrë 100 kuintalë patate, dhe ato i kam stok nuk po shiten", ka thënë një fermer.
