TIRANË- Situata e COVID-19 duket se do të ndikojë edhe në rritjen e çmimeve të shërbimeve stomatologjike. Ky fakt është pohuar nga vetë Presidenti i Urdhrit të Stomatologut, Nikoll Deda, gjatë një lidhje live për Report Tv. Sipas tij, gjithçka është rrjedhojë e kostove të shtuara dhe dentistët janë të lirë të vendosin për çmimet.<br /><br />"Këto kushte të shtuara kanë edhe kosto të shtura. Çdo klinikë dentare, çdo dentist është i pavarur tek fatura, rregullat e tregut. Është shërbim i lirë dhe çmimet përcaktohet nga vetë dentisti. Disa e marrin për bazë disa se marrin. Shërbimi i dentistëve në kohë COVID-i ka kosto të shtuar. Unë nuk kam të drejtë të referoj asnjë çmim. Çdo dentist është i lirë tek klinika e tij të afishoje vetë çmimet, sipas kostos, sipas interesave të tyre", tha Deda.Filtri i parë mes klientëve dhe dentistëve për mbrojtjen nga infektimi do të jetë telefoni.<br /><br />"Faza e parë është se dentisti duhet të flasë me pacientin. Filtri i parë është telefoni. Do informohet për historikun, sëmundjet e tij të frymëmarrjes. Të organeve të rëndësishme. Raportet me COVID-19. Mund të ketë pasur një familjar me COVID", shtoi Deda.<br /><br />Klinikat dentare do të lejohen të hapen më datë 11 maj, por me kushtin që të zbatojnë në mënyrë rigoroze protokollet e sigurisë.
