Tavë me krap<br />Përbërësit: <br />1.2 kg krap <br />Kripë dhe piper i zi <br />1 lugë gjelle miell <br />Vaj për skuqje <br /><br />Salca: <br />4-5 kokrra qepë <br />1 copë pistil (80 gr) <br />1 filxhan çaji pure domate <br />4 domate + 1 lugë çaji sheqer <br />2 gjethe dafinë <br />1 kokërr hudhër + 3 lugë gjelle uthull <br />1 gotë verë e bardhë <br />Kripë dhe piper i zi <br />Vaj ulliri <br />Përgatitja: <br />Peshkun të pastruar mirë e të prerë në feta e marinojmë me kripë dhe piper të zi, e pudrosim lehtë me pak miell dhe në një tigan me vaj të nxehtë për skuqje e kalojmë peshkun për t?I dhënë vetëm një faqe të lehtë. E largojmë dhe e lëmë mënjëanë. <br />Në një tigan të thellë me vaj ulliri kaurdisim qepën të prerë në fije. E kaurdisim qepën pa I dhënë ngjyrë, por të zbutet mirë. Shtojmë tek qepa pistilin të copëtuar, të zbutur pak në ujë, I kaurdisim së bashku duke shtuar më pas salcën e domates, 1 lugë gjelle koncentrat salce ose një filxhan çaji pure domate. E përziejmë mirë. Shtojmë domatet të copëtuara në copëza, 1 lugë çaji sheqer, e përziejmë dhe I vendosim kapakun duke e lënë domaten të ziejë në temperaturë mesatare për 10 minuta. <br />Shtojmë hudhrat, 2 gjethe dafinë, gjysmë gote ujë dhe e lëmë të ziejë dhe për 5 minuta. <br />Rregullojmë shijen me kripë, piper dhe uthull. Në një tavë shtrojmë fillimisht salcën e përgatitur dhe I vendosim sipër copat e krapit. <br />Shtojmë në fund një gotë vere të bardhë, spërkasim pak peshkun me vaj ulliri që të mos thahet dhe e vendosim tavën në furrë në temperaturë 180 gradë Celsius derisa salca të mpikset siç duhet rreth 30 minuta.
