Vendimet e Bashkësisë Fetare Islami gjatë kohës së pandemisë nuk mbeten pa ngjyrime politike. Si në mbylljen ashtu edhe në vendimin për hapjen e xhamive, përfaqësuesit politik morën hisen e tyre.<br /><br />Kjo përzierje e politikës në punët e fesë nuk u prit mirë nga opinioni, madje as nga njohësit e fushës.<br /><br /> ?Si institucione janë të ndara dhe me siguri që e kanë atë autonominë e veprimit në të gjitha instancat. Megjithatë, nëse ne shohim një situatë pak ose shumë të ndërlikuar në raportet mes bashkësive fetare dhe institucioneve shtetërore, supozoj se janë disa lëshime- deklaroi Musa Musai, profesor.<br /><br /> Por, ndikime të tilla politike vërehen edhe në Komunitetin Ortodoks, sidomos kur mbetet pezull fushata parazgjedhore, thotë analistja Mirjana Najçevska.<br /><br />?Filluan të hyjnë aktivitetet parazgjedhore partitë politike dhe përpiqen të imponohen në një mënyrë në bashkësitë fetare që të ndikojnë tek besimtarët e tyre. Politikanët që përpiqen të ndërhyjnë në bashkësitë fetare dhe udhëheqësit e tyre tregon se po përgatiten për fushatë parazgjedhore dhe dëshira që në atë mënyrë të tregohen më të afërt tek qytetarët- pohoi Mirjana Najçevska, Analiste.<br /><br /> Vendimi për mbylljen e xhamive u mor më 17 mars për shkak të virusit Korona, ndërsa ende pa u bërë dy muaj, BFI mori vendim të ri që xhamitë të hapen por duke respektuar rekomandimet e autoriteteve shëndetësore. Ndërkohë që qëndrimi zyrtar i Qeverisë është që bashkësitë fetare të evitojnë çdo ceremoni kolektive, përderisa janë në fuqi masat kundër Virusit Korona.<br /><br />Përgatiti: Adnan Qaili
