Fieri i rikthehet hartës së të infektuarve aktivë me Covid-19. Nga 12 rastet e reja, 3 janë në Fier. Burime zyrtare pranë Institutit të Shëndetit Publik sqarojnë se janë të prekur që kanë pasur kontakte të një personi me Covid nga Tirana.<br /><br />?Gjatë 24 orëve të fundit janë evidentuar 12 raste të reja pozitive nga testimi i 255 personave të dyshuar si bartës të këtij infeksioni ose të sëmurë. Pjesa më e madhe e tyre janë kontakte të rasteve të konfirmuara më parë dhe të gjetura nga hetimi epidemiologjik. Rastet pozitive të ditës së sotme janë të shpërndara si vijon: Në Fier 3 të prekur, 3 në Krujë, 3 në Kamzë, 2 në Shkodër dhe 1 rast në Tiranë?.<br /><br />Numri i të prekurve me Covid në vendin tonë ka arritur në 832, por vetëm 206 persona janë të infektuar aktivë.<br /><br />?Me shtimin e rasteve të sotme, numri i të prekurve nga Covid-19 shkon në 832. Prej tyre janë tashmë të shëruar 595 persona dhe vazhdojnë të jenë aktivë 206 persona?.<br /><br />Krahasuar me një ditë më parë, numri i të shtruarve në spitale është ulur, nga 38 që ishte një ditë më pare.<br /><br />?Në dy spitalet COVID, në spitalin infektiv dhe spitalin ?Shefqet Ndroqi?, aktualisht janë të shtruar 36 pacientë dhe vetëm 8 prej tyre janë në terapi intensive?.<br /><br />Tirana, Kruja dhe Shkodra janë qytetet me numrin më të lartë të të infektuarve aktivë në vendin tonë. Prej më shumë se dy muajsh që nga rasti i parë me Covid-19 në vendin tonë, 31 persona kanë humbur jetën, 18 prej tyre nga Tirana.<br /><br />Tv Klan
