Perime krokante në furrë <br />Përbërësit: <br />2 kunguj të njomë<br />2 patëllxhanë <br />2 patate <br />1 spec i kuq <br />1 spec i verdhë <br />1 gotë bukë e grirë <br />3 lugë gjelle parmixhan i grirë <br />1 thelpi hudhër <br />2 lugë gjelle majdanoz i grirë <br />Kripë dhe piper i zi <br />Vaj ulliri <br />Përgatitja:<br />Të gjitha perimet i lajmë dhe më pas i presim në shkopinj me trashësi 1 cm dhe gjatësi 5-6 cm. Vendosim në një pjatë 1 gotë buke të grirë, 3 lugë gjelle parmixhan të grirë, 1 thelpi hudhër të grirë hollë në rënde, kripë dhe piper të zi dhe majdanoz të grirë. <br />Vendosim specat në një tas, i spërkatim ato në vaj dhe i përziejmë mirë. Më pas i rrotullojmë te pjata me bukë të grirë me qëllim që perimet të vishen me bukën e trazuar me djathë parmixhan. Vendosim një letër pjekje në tepsi, e spërkatim me pak vaj dhe vendosim njëri përmbi tjetrin specat. Të njëjtën rrugë ndjekim dhe për perimet e tjera. Pasi të jetë mbushur tepsia me perimet, e vendosim në furrë në temperaturë 200 gradë Celsius për 25-30 minuta.
