TIRANË- Me lehtësimin e masave shtrënguese kundër COVID-19, është shoqëruar edhe me zvogëlimin e numrit të postblloqeve të policisë për kontrollin e automjeteve!<br /><br />Nisur nga fakti që Tiranë është një zonë e kuqe, aktualisht vatra më e madhe e infeksionit, postblloqe ka vetëm në pikat hyrëse dhe dalëse të qytetit dhe në ato zona me trafik të rënduar.<br /><br />Report Tv ka bërë një vëzhgim në Tiranë, instaluar pranë një postblloku të policisë te pallati me Shigjeta, ku shihet një trafik i rënduar dhe janë të pakta automjetet që i nënshtrohen kontrolleve nga ana e policisë.<br /><br />Në këtë zonë ka një lëvizje të shtuar të makinave, por edhe të qytetarëve ku krijojnë një panoramë të një qyteti që virusi është "zhdukur" edhe pse e vërteta nuk qëndron kështu.
