Komisioni për Sëmundje Ngjitëse i propozon Qeverisë lehtësim gradual të masave restriktive, përkatësisht duke filluar nga kjo javë një pjesë e bizneseve të fillojnë me punë. Ministri i Shëndetësisë, Venko Filipçe, informoi se sot do të diskutohet edhe rreth orës policore, por shtoi se nuk ka ndonjë propozim për shkurtim të saj.<br /><br />Komisioni për sëmundje ngjitëse propozon që të fillojnë me punë Qendrat për edukim dhe trajnim, seminaret për të rritur, organizimi i konferencave, Autoshkollat dhe qendrat për testime, trajnimet sportive individuale në ambient të hapur, tenisi, bastoret sportive dhe të tjera përmes sporteleve, qendrat e mbyllura tregtare, por pa kafenetë dhe restorantet, si dhe qendrat e rehabilitimit për shurdh-memecët. 17:58 Sa i përket orës policore do të diskutohet në seancën e Qeverisë - deklaroi Venko Filipçe, ministër i shëndetësisë.<br /><br />Lehtësimi i masave kufizuese parashikohet të bëhet në tre harqe kohore, ndërsa secilës prej tyre do t?i paraprijë një monitorim i detajuar i situatës me virusin në vend.<br /><br />Më 18 maj parashikohet të nisin me punë<br />-Kafenetë dhe restorantet me shërbim<br />-Trajnimet sportive kolektive në natyrë<br /><br />Më 25 maj parashikohet të nisin me punë<br />-Lojërat e Fatit në kazino<br />-Trajnimet në ambiente të mbyllura dhe pishina<br />-Palestrat dhe klubet e fitnesit<br />-Objektet hotelerike<br /><br />Hapja e çerdheve do të vendoset pasi të përfundojë testimi i të gjithë të punësuarve. Ky skrining që do të përfshijë rreth 2 mijë të punësuar në çerdhe, do të fillojë nesër dhe pritet të finalizohet brenda një jave. Më pas do të vendoset për hapjen e këtyre objekteve dhe masat që duhet të respektohen.<br /><br />Kufijtë do të mbeten të mbyllur deri sa shtetet të harmonizojnë masat për lëvizjen e qytetarëve dhe kriteret që duhet të plotësojnë.<br /><br />Absolutisht të gjithë kolegët e rajonit kanë të njëjtin vlerësim dhe duhet të koordinohemi mirë se a do të ketë ndonjë kriter për shtetasit tanë nëse vizitojnë shtetet e tjera, apo shtetasit e huaj të hyjnë në Maqedoni, se vallë a do t?u kërkohet ndonjë analizë, testime apo dëshmi tjetër. Diskutimet rreth kësaj sillen. Në mënyrë që të jemi të përgatitur që kur te rekomandohet hapja e kufijve të jemi të përgatitur. 25:29 Karantina vazhdon të mbetet në fuqi - tha Venko Filipçe, ministër i shëndetësisë.<br /><br />Ministri Filipçe tha se pasqyra momentale e gjendjes me virusin në vend është tregues se na presin ditë të mira, pasi 72% nga numri i përgjithshëm i të infektuarve janë shëruar. Megjithatë ai tha se që kjo të vazhdojë qytetarët duhet të respektojnë maksimalisht masat e Qeverisë. Gjatë 24 orëve të fundit janë regjistruar 10 raste të reja me COVID-19, 5 të shëruar dhe një viktimë. Nga 1674 raste, 377 janë aktiv.<br /><br />Evi Shkopi
