Shkon në 795 numri i të prekurve në vend nga CoVid-19.<br /><br />Sot 6 raste të reja. Kruja, zona me numrin më të lartë të rasteve aktive në vend.<br /><br />Gentiana Qirjako nga Instituti i Shëndetit Publik dha detajet:<br /><br />Ju informojmë për situatën epidemiologjike të përhapjes së COVID19 në vend dhe për lehtësimin e masave nga dita e hënë.<br /><br />Nga 197 testimet e kryera gjatë 24 orëve të fundit për persona të dyshuar me COVID-19, janë vetëm 6 raste pozitive, që i përkasin Krujës dhe Kurbinit dhe vetëm 1 rast pozitiv në Tiranë.<br /><br />Që nga fillimi i epidemisë deri më sot janë konfirmuar pozitivë me COVID-19 në të gjithë vendin 795 qytetarë, por në këto momente pothuajse 67 % e tyre rezultojnë të shëruar.<br /><br />Gjatë 24 orëve të fundit një tjetër zonë e Shqipërisë rezulton me risk të ulët për transmetim të infeksionit, që është Fieri dhe numri total i të shëruarve shkon në 531.<br /><br />Sa i përket personave që aktualisht janë aktivë me COVID19, Kruja është në vend të parë me 91 raste, e ndjekur nga Tirana, Kurbini, Shkodra dhe në total janë 233 persona aktivë me COVID19.<br /><br />Pjesa më e madhe e rasteve aktive po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin ?Shefqet Ndroqi? janë të shtruar 33 pacientë dhe vetëm 7 prej tyre janë në terapi intensive.<br /><br />Ky është një tregues i rëndësishëm që evidenton faktin që masat e marra kanë bërë të mundur që sistemi shëndetësor të mos mbingarkohet dhe të përballojë me sukses rastet të cilat kanë pasur nevojë për trajtim të specializuar në spitale.<br /><br />Shpërndarja gjeografike e rasteve aktive, është si vijon:<br />Krujë 91<br />Tiranë 90<br />Kurbin 20<br />Shkodër 17<br />Kukës 5<br />Elbasan 2<br />Mirditë 2<br />Berat 2<br />Korçë 1<br />Lezhë 1<br />Lushnje 1<br />Mat 1<br /><br />Sot janë në fuqi masat lehtësuese si lëvizja për të moshuarit deri në orën 10:00, për prindërit me fëmijët deri në 14 vjeç deri në orën 17:30, ndërsa të gjitha bizneset gjatë ditës së sotme do të jenë të mbyllura.<br /><br />Duke filluar nga nesër datë 4 Maj do të shtohen ?zonat e gjelbërta? edhe në bashkitë ku ka risk të ulët të transmetimit të infeksionit.<br /><br />Në të gjithë vendin do të lejohet shërbimi taksi për udhëtimet ndërqytetase me deri dy pasagjerë, anëtarë të një familjeje.<br /><br />Të riatdhesuarit që janë me banim në zonat e kuqe do të vetëkarantinohen në banesë.<br /><br />Pavarësisht se nga e hëna do të ketë një lehtësim tjetër të masave, Ministria e Shëndetësisë dhe Mbrojtjes Sociale i bën thirrje të gjithë qytetarëve që të vazhdojnë të respektojnë distancimin fizik dhe të mbajnë higjienën personale, ndërkohë që bizneset e hapura të respektojnë me rigorozitet protokollet e sigurisë.<br /><br />Ministria e Shëndetësisë dhe Mbrojtjes Sociale ka shtuar një shërbim të ri në linjën e gjelbër 0800-40-40, duke ofruar këshillim psikologjik për qytetarët që kanë ankth apo shqetësime të tjera si pasojë e COVID19. Në numrin e gjelbër mund mund të telefononi për pyetje për sëmundjet kronike apo informacion mbi COVID19.<br /><br />Nëse keni shenja të sëmundjes COVID19 duhet të telefononi numrin e urgjencës 127.De...
