Makarona furre me fileto pule dhe kërpudha <br />Përbërësit: <br />500 gr makarona <br />2 lugë gjelle vaj <br />1 qepë e vogël <br />350 gr fileto pule <br />300 gr kërpudha <br />Kripë dhe piper i zi <br />Majdanoz <br />250 gr mozzarella <br />Beshameli: <br />50 gr gjalp<br />50 gr miell <br />500 ml qumësht <br />Kripë dhe arrëmoskat <br />2 lugë gjelle parmixhan i grirë <br />Përgatitja: <br />Fillimisht vendosim një tenxhere me ujë të bollshëm për të valuar. Shtojmë në të pak kripë, 1 lugë gjelle vaj dhe makaronat. I ziejmë ato 3 minuta më pak se koha e shkruar në etiketë. <br />Ndërkohë në një tigan salce përgatisim beshamelin. <br />Kaurdisim së bashku 50 gr gjalp dhe 50 gr miell, shtojmë 500 ml qumësht dhe e lëmë të ziejë duke e trazuar vazhdimisht. E largojmë dhe shtojmë kripë dhe arrëmoskat. <br />Në një tigan të thellë vendosim 2 lugë gjelle vaj, qepën të grirë imët të cilën e kaurdisim derisa të bëhet transparente. Shtojmë fileton e pulës të prerë në kubikë të vegjël, i kaurdisim së bashku derisa mishi të zbardhet dhe të ketë përthithur lëngun e tij. Shtojmë kërpudhat dhe i përziejmë ato sa të skuqen pak. Shtojmë kripë, piper të zi, majdanoz dhe beshamelin. <br />Vazhdojmë përzierjen për 5 minuta. Kullojmë makaronat, i shtojmë në tigan dhe i përziejmë sërish të gjithë përbërësit. <br />Lyejmë tavën me pak gjalp dhe shtojmë në të ½ e përzierjes me makarona. Shpërndajmë në të 1 topth mozzarella në kubikë të vegjël, shtojmë pjesën e mbetur të makaronave dhe përsëri shpërndajmë një topth tjetër mozzarella në kubikë. Pudrosim sipër me parmixhan të grirë dhe e vendosim tepsinë në furrë në temperaturë 200 gradë, për 20-25 minuta.
