Nga dita e sotme, 4 maj, vendit i janë shtuar edhe 18 zona të tjera të gjelbra konkretisht Tropojë, Rrogozhinë, Peqin, Belsh, Cërrik, Gramsh, Ura Vjagurore, Kuçovë, Berat, Poliçan, Skrapar, Devoll, Pustec, Maliq, Mallakastër, Kolonjë, Vlorë, Selenicë.<br /><br />Devolli është një zonë e gjelbër e shpallur nga qeveria si një zonë pa asnjë rast të prekur nga virusi.<br /><br />Kamera e Report Tv bëri një inspektim në qytet ku u vu re një numër i shtuar i banorët që kishin dalë dhe pjesa më e madhe e tyre pensionistë, edhe pse orari i tyre ishte deri në orën 06:00-08:30. Qytetarët janë grumbulluar në rrugë të shkujdesur dhe pa maska mbrojtëse, ndërsa është parë një prani e shtuar e lëvizjes së qytetarëve dhe automjeteve.<br /><br />Nga sot është lejuar dhe shërbimi me taksi ndërqytetëse duke lejuar edhe udhëtimin me 2 anëtar të një familje.<br /><br />Edhe pse qytetarët nuk kanë asnjë të prekur në këtë bashki, ata sërish duhet të respektojnë masat e distancimi social si dhe mbajtjen e maskave mbrojtëse.<br /><br />Gjithashtu ajo që u vu re ishte se dhe berberët janë hapur në këtë zonë edhe pse ata janë vendosur të hapen javës tjetër më 11 maj si pjesë e masave të tjera lehtësuese.
