Instituti Kombëtar i Shëndetit konfirmoi se një studim për të ndihmuar në përcaktimin e shkallës së infeksionit të fëmijëve me COVID-19 në SHBA dhe familjeve të tyre ka filluar regjistrimin e pjesëmarrësve.<br /><br /><br />Studimi, i quajtur ?Epidemiologjia njerëzore dhe reagimi ndaj SARS-CoV-2? ose HEROS, është i financuar tërësisht nga qeveria dhe sponsorizuar nga Instituti Kombëtar i Alergjisë dhe Sëmundjeve Infektive, i cili është pjesë e Institutit Kombëtar të Shëndetit. Studimi do të përpiqet të vlerësojë sa është përqindja e fëmijëve të infektuar me SARS-CoV-2, virusi që shkakton COVID-19, që zhvillojnë simptoma të sëmundjes. Studimi HEROS do të kërkojë gjithashtu të përcaktojë nëse niveli i infeksionit viral ndryshon mes fëmijëve me gjendje alergjike ose astmë dhe atyre që nuk i kanë ato.<br /><br />?Një tipar interesant i kësaj pandemie është se shumë pak fëmijë janë sëmurë me COVID-19 në krahasim me të rriturit?, tha Dr. Anthony Fauci. Fauci tha se studimi do të përcaktojë nëse arsyeja që fëmijët, mesatarisht, kanë më pak të ngjarë të sëmuren me COVID-19 është se ata janë rezistent ndaj infeksionit apo sepse janë të infektuar, por nuk zhvillojnë simptoma.<br /><br />Gjashtë mijë njerëz nga 2,000 familje amerikane në 11 qytete po marrin pjesë tashmë në studime të kërkimit pediatrik dhe së shpejti do të regjistrohen në studimin e ri HEROS. Ekipi i studimit pritet të ndjekë këto familje në distancë për gjashtë muaj për të konstatuar se kush infektohet nga virusi, dhe nëse virusi transmetohet te anëtarët e tjerë të familjes dhe cilët anëtarë të familjes me virus përfundojnë të zhvillojnë simptoma të COVID-19. Studiuesit besojnë se të dhënat e mbledhura nga ky studimi do të ndihmojnë në plotësimin e këtij hendeku të njohurive dhe do të ofrojnë më shumë informacion se si të bëhen ndërhyrjet në shëndetin publik.<br /><br />Për më shumë vizitoni: http://top-channel.tv/ <br /><br />Subscribe to "Top Channel" on YouTube Channel for NEWS and TV <br />Shows HERE: http://bit.ly/2Y15KwK <br />For more content from click HERE: www.top-channel.tv <br />Like Top Channel on Facebook HERE: http://bit.ly/2FglWTs <br />Follow Top Channel on Instagram HERE: http://bit.ly/2uaYG2U <br />Follow Top Channel on Twitter HERE: http://bit.ly/2TJndeH <br />#AnthonyFauci#SHBA#TopChannel
