Numri i vdekjeve në mbarë botën si pasojë e Covid-19 ka kaluar mbi 250,000, sipas Universitetit Johns Hopkins. Britania aktualisht është vatra më e nxehtë e koronavirusit. Më shumë se 30,000 njerëz kanë humbur jetën si pasojë e Covid-19, numri më i lartë i raportuar në Evropë dhe i dyti në botë pas SHBA.<br /><br />29,648 vdekje janë raportuar që nga 24 Prilli në Angli dhe Uells me Covid-19. Përfshirë vdekjet për Skocinë dhe Irlandën Veriore, numri i viktimave shkon në mbi 30,000. Rreth një e treta e të gjitha vdekjeve të regjistruara në vend gjatë kësaj periudhe janë nga shtëpitë e kujdesit për të moshuarit.<br /><br />Shtetet e Bashkuara të Amerikës kanë shënuar në 24 orët e fundit numrin më të ulët të viktimave gjatë këtij muaji me 1,015 vdekje. Numri përfshin ata që kanë vdekur me virusin dhe jo domosdoshmërisht për shkak të tij.<br /><br />Megjithatë piku ende nuk ka ardhur dhe në Qershor mendohet se do të humbin jetën rreth 3 mijë persona në ditë, sipas një raporti të brendshëm të administratës Trump të publikuar nga New York Times.<br /><br />Të dhënat parashikojnë gjithashtu që numri i të prekurve çdo ditë do të jetë rreth 200,000 deri në fund të muajit. Parashikimet pesimiste vijnë në kohën kur shume shtete amerikane kanë nisur lehtësimin e masave bllokuese, teksa vendi ka numrin më të lartë të viktimave me afro 69,000.<br /><br />Tv Klan
