Pagat e punonjësve nën ombrellën e shtetit nuk do të zvogëlohen me rishikimin e buxhetit. Disa nga ministrat e LSDM-së dhe BDI fituan betejën kundër ish-kryeministrit Zoran Zaev dhe Ministres së Financave Nina Angelovska, të cilët ishin për uljen e pagave të administratorëve. Për përfaqësuesit e BDI-së në Qeveri, ulja e pagave në administratë është një temë që u detyrua nga media, por jo edhe nga Qeveria.<br /><br />Kjo temë as që është hapur. Se a do të ketë shkurtime apo jo, nuk është shqyrtuar si mundësi?-tha Kreshnik Bekteshi, ministër i ekonomisë.<br /><br />Nevojitet të ketë konsensus politik kurse këtë për momentin nuk e kemi. Do të thotë, në këtë propozim- rishikim tani për tani nuk parashihet shkurtimi i pagave për administratën publike?-theksoi Nina Angellovska, ministre e financave.<br /><br />Rishikimi i buxhetit do të miratohet deri të premten pasi të dielën skadon gjendja e jashtëzakonshme. Ministrja nuk deshi të përmend shifra të saktë. Shtoi se shkurtim të mjeteve nuk do të ketë, por vetëm do të ketë ri- sistemim nga norma të ndryshme.<br /><br />Ekzistojnë rialokime të caktuara prej rreth 30 milion eurosh, të cilat vetë institucionet i kanë dorëzuar. Por tani jemi duke u harmonizuar, nëse marrim parasysh koston e masave, ajo do të tregojë se sa do të jetë ana e shpenzimeve. Do të kishte, do të thosha, një rritje të vogël të anës së shpenzimeve, por nuk do të thosha një numër konkret?-tha Nina Angelovska Ministre e Financave.<br /><br />Pagat e administratorëve nuk do të preken në një kohë kur më shumë se dy muaj dy e treta e të punësuarve në institucionet shtetërore dhe publike nuk shkojnë në punë. Në të njëjtën kohë, shumica e kompanive të sektorit privat tashmë po japin pagë të ulur për punëtorët e tyre, ndërsa mijëra punëtorë kanë humbur punën e tyre për shkak të krizës.<br /><br />Ile Petreski
