Masat parandaluese të virusit do të shoqërojnë të gjithë aktivitetet e fushatës zgjedhore dhe ato në ditën e zgjedhjeve. Ministri i Shëndetësisë Venko Filipçe zbardhi protokollin e Komisionit për sëmundje ngjitëse në të cilin parashihet që në tubimet zgjedhore domosdomërisht:<br /><br />Fushata dhe tubimet<br />- Të sigurohet distancë prej 1.5 metër deri në 2 metra,<br />- Maska është e domosdoshme në ambiente të mbyllura, kurse në ambiente të hapura vetëm kur nuk sigurohet distanca,<br />- Të bëhet dezinfektim dhe larje e rregullt e duarve.<br /><br />Fushata në derë<br />- Të bëhet me pajisje mbrojtëse,<br />- Të respektohet distanca,<br />- Aktivistët të mos hyjnë brenda në shtëpi por vetëm deri te dera ose jashtë objektit.<br /><br />Takimet në shtabet partiake<br />- Rekomandohet të bëhen jashtë. Nëse bëhen brenda, kjo të jetë sipas rregullave,<br />- Të mos zgjasin më shumë se dy orë,<br />- Të mos ketë më shumë se dy aktivistë në sportel.<br /><br />Transportet partiake<br />- Të bëhen me automjete me vetëm 50% të kapaciteteve të mbushura,<br />- Organizatorët të sigurojnë dezinfektimin e mjetit.<br /><br />Në ditën e zgjedhjeve<br />- Anëtarët e këshillave zgjedhor, monitoruesit dhe të deleguarit e partive të kenë maska dhe doreza,<br />- Të votohet në ambiente me dritare të hapura ose të ajroset ambienti çdo orë,<br />- Të përdoren mjete për dezinfektimin e duarve,<br />- Votuesit para hyrjes presin në radhë, në distancë prej 2 metrave,<br />- Në hyrje i dezinfektojnë duart,<br />- Kur japin letërnjoftimin, e ulin maskën për identifikim duke e mbajtur distancën nga anëtari i këshillit zgjedhor,<br />- Gjatë daljes, i dezinfektojnë duart.<br />- Në vendvotim, të mos ketë asnjëherë më shumë votues se sa paravanë për votim.<br /><br />Filipçe beson se këto masa janë të mjaftueshme, edhe pse në një vendvotim mund të ketë më shumë persona si anëtarë të vendvotimit dhe monitorues.<br /><br />Atje ku nuk mund të mbahet distanca rekomandohet mbajtja e detyrueshme e pajisjeve mbrojtëse. Maska është shtesë për parandalim në rastet kur distanca nuk mund të mbahet. Aspekti i ajrosjes, etj. Ato janë rekomandime që vlejnë edhe tani. Në institucione, në markete, edhe tani vlejnë rregullat e njëjta -deklaroi Venko Filipçe, ministër i Shëndetësisë.<br /><br />Nëse ekziston mundësia, për të cilën duhet të konsultohet KSHZ-ja, do të zgjerohet orari i votimit për dy orë brenda ditës, për t?u shmangut grumbullimet më të mëdha.<br /><br />Fatlume Dervishi
