Shkon në 782 numri i të prekurve në vend nga covid-19.<br /><br />Gazetarja e Top Channel Alma Demiraj, thotë se janë 9 raste të reja në 24 orët e fundit, 5 në Tiranë dhe 4 në Krujë.<br /><br />Ndërkohë 488 pacientë janë shëruar.<br /><br />Dr. Rovena Daja nga Instituti i Shëndetit Publik dha detajet:<br /><br />Si çdo ditë, Ju informojmë për situatën e deritanishme të përhapjes së COVID19 në vendin tone.<br />Gjatë 24 orëve të fundit janë testuar 245 persona të dyshuar me COVID-19 nga veriu në jug dhe vetëm në dy bashki kemi të prekur, ku përkatësisht në Tiranë kemi 5 persona që kanë rezultuar pozitivë prekur dhe në Krujë kemi 4 të prekur.<br /><br />Që nga fillimi i epidemisë deri më sot janë konfirmuar pozitivë me COVID-19 në të gjithë vendin 782 qytetarë. Prej tyre janë 488 të shëruar.<br />Duke parë të dhënat, momentalisht situata epidemiologjike në vendin tonë paraqitet e qëndrueshme. Harta e të shëruarve është zgjeruar në të gjithë vendin.<br /><br />Për këtë arsye, përvec zonave që kanë qenë të paprekura nga COVID 19, është zgjeruar harta e zonave të gjelbërta, edhe me ato bashki që momentalisht paraqesin risk më të ulët të transmetimit të infeksionit.<br />Aktualisht në vendin tonë janë 263 pacientët aktivë me COVID19 dhe pjesa më e madhe prej tyre po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin ?Shefqet Ndroqi? janë të shtruar 33 pacientë dhe vetëm 7 prej tyre janë në terapi intensive.<br /><br />Ky është nje tregues që masat e marra kanë bërë të mundur që sistemi shëndetësor të mos mbingarkohet dhe të përballojë me sukses rastet të cilat kanë pasur nevojë për trajtim të specializuar në spitale.<br /><br />Deri tani 31 qytetarë e kanë humbur betejën me këtë sëmundje, megjithë përpjekjet e stafit mjekësor.<br /><br />Shpërndarja gjeografike e rasteve aktive, është si vijon:<br /><br />Bashkia Raste Aktive<br />Tiranë 100<br />Shkodër 24<br />Krujë 93<br />Durrës 0<br />Fier 1<br />Kurbin 27<br />Korçë 1<br />Elbasan 2<br />Kukës 8<br />Lezhë 1<br />Has 0<br />Kavajë 0<br />Lushnje 1<br />Vlorë 0<br />Pukë 0<br />Mirditë 2<br />Rrogozhinë 0<br />Tropojë 0<br />Berat 2<br />Mallakastër 0<br />Mat 1<br /><br />Pavarësisht se nga e hëna do të ketë një lehtësim tjetër të masave, Ministria e Shëndetësisë dhe Mbrojtjes Sociale i bën thirrje të gjithë qytetarëve që të vazhdojnë të respektojnë distancimin fizik dhe të mbajnë higjienën personale.<br />Është shumë e rëndësishme të respektohen këto masa, pasi deri në momentin që nuk kemi një vaksinë apo trajtim të përcaktuar, vigjilenca duhet të jetë maksimale.<br /><br />Të moshuarit apo dhe qytetarët me sëmundje kronike duhet të vazhdojnë të komunikojnë me mjekun e familjes për recetat me rimbursim, duke evituar sa më shumë të jetë e mundur kontaktet me institucionet shëndetësore, përvec rasteve kur është e domosdoshme.<br />Për pyetjet që mund të keni për sëmundjet kronike apo COVID19 ju lutem telefononi në linjën e gjelbër 0800-40-40. Por nëse keni shenja të sëmundjes COVID19 duhet të telefononi numrin e urgjencës 127.<br /><br />Për më shumë vizitoni: http://top-channel.tv/ <br /><br />Subscribe to "Top Channel" on YouTube Channel for NEWS and TV <br />Shows HERE: http://bit.ly/2...
