Gjatë 24-orëve të fundit në vendin tona ka pasur 7 persona të tjerë të infektuar me Covid-19.<br /><br /><br />Në Tiranë 5 raste, në Kukës një rast dhe në Krujë një rast. Kështu numri i të infektuarve në vendin tonë ka shkuar në 789.<br /><br />Momentalisht situata paraqitet e qëndrueshme. Në vendin tonë janë 239 pacientë aktiv dhe pjesa më e madhe po ndiqet nga mjeku i familjes.<br /><br />Në spitalet Covid 1 dhe Covid 2 në Tiranë ka 31 pacientë aktiv 7 prej tyre janë në terapi intensive.<br /><br />Deklarata e Ministrisë së Shëndetësisë:<br /><br />Instituti i Shëndetit PublikSi çdo ditë, Ju informojmë për situatën e deritanishme të përhapjes së COVID19 në vendin tone.<br />Gjatë 24 orëve të fundit janë testuar 171 persona të dyshuar me COVID-19 nga veriu në jug dhe vetëm në tre bashki kemi të prekur, ku përkatësisht në Tiranë kemi 5 persona që kanë rezultuar positive, 1 rast në Krujë dhe 1 rast i importuar në Kukës i evidentuar në qëndrën karantinë të këtij rajoni.<br />Që nga fillimi i epidemisë deri më sot janë konfirmuar pozitivë me COVID-19 në të gjithë vendin 789 qytetarë. Prej tyre janë 519 të shëruar.<br />Duke parë të dhënat, momentalisht situata epidemiologjike në vendin tonë paraqitet e qëndrueshme.<br />Kalimi i zonave aktive në zona jo aktive për COVID19 ka zhgjeruar hartën e të shëruarve në gjithë vendin.<br /><br />Aktualisht në vendin tonë janë 239 pacientë aktivë me COVID19 dhe pjesa më e madhe prej tyre po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin ?Shefqet Ndroqi? janë të shtruar 31 pacientë (11.4%) dhe vetëm 7 prej tyre janë në terapi intensive.<br /><br />Ky është nje tregues i rëndësishëm që evidentoi faktin që masat e marra kanë bërë të mundur që sistemi shëndetësor të mos mbingarkohet dhe të përballojë me sukses rastet të cilat kanë pasur nevojë për trajtim të specializuar në spitale.<br />Deri tani 31 qytetarë e kanë humbur betejën me këtë sëmundje, megjithë përpjekjet e stafit mjekësor.<br /><br />Shpërndarja gjeografike e rasteve aktive, është si vijon:<br />Tiranë 90<br />Shkodër 20<br />Krujë 89<br />Fier 1<br />Kurbin 24<br />Korçë 1<br />Elbasan 2<br />Kukës 5<br />Lezhë 1<br />Lushnje 1<br />Mirditë 2<br />Berat 2<br />Mat 1<br />Pavarësisht se nga e hëna do të ketë një lehtësim tjetër të masave, Ministria e Shëndetësisë dhe Mbrojtjes Sociale i bën thirrje të gjithë qytetarëve që të vazhdojnë të respektojnë distancimin fizik dhe të mbajnë higjienën personale.<br />Është shumë e rëndësishme të respektohen këto masa, pasi deri në momentin që nuk kemi një vaksinë apo trajtim të përcaktuar dhe për këtë vigjilenca duhet të jetë maksimale.<br /><br />Të moshuarit apo dhe qytetarët me sëmundje kronike duhet të vazhdojnë të komunikojnë me mjekun e familjes për recetat me rimbursim, duke evituar sa më shumë të jetë e mundur kontaktet me institucionet shëndetësore, përvec rasteve kur është e domosdoshme.<br />Për pyetjet që mund të keni për sëmundjet kronike apo COVID19 ju lutem telefononi në linjën e gjelbër 0800-40-40. Por nëse keni shenja të sëmundjes COVID19 duhet të telefononi numrin e urgjencës 127.<br />Për më shumë vizitoni: htt...
