Kryetari i Lidhjes Demokratike të Kosovës (LDK), Isa Mustafa ka zhvilluar një bisedë telefonike me të dërguarin e posaçëm të Bashkimit Evropian për dialogun Kosovë-Serbi, Mirosllav Lajçak.<br /><br />Sipas një njoftimi të LDK-së, kryetari Mustafa ka thënë se kjo parti është e fokusuar që dialogu të filloj shpejtë dhe të rezultoj me njohje reciproke, si dhe të normalizohen marrëdhëniet Kosovë-Serbi.<br /><br />Lajçak është emëruar në fillim të muajit prill si i dërguar i posaçëm i BE-së për dialogun Kosovë-Serbi.<br /><br />Ai ka deklaruar se detyra e tij është që ta përfundojë suksesshëm këtë dialog dhe të sigurojë që Kosova dhe Serbia një herë e përgjithmonë t?i zgjidhin të gjitha çështjet e pazgjidhura.<br /><br />Për këtë, ai ka thënë se do të bashkëpunojë ngushtë me SHBA-në.<br /><br />Që nga 1 prilli, kur Qeveria në detyrë e Kosovës shfuqizoi në tërësi taksën doganore 100 për qind ndaj importeve nga Serbia, masë kjo që shihej si pengesë për vazhdimin e bisedimeve, nga Bashkimi Evropian dhe disa vende anëtare janë dërguar sinjale se barrierat mes palëve për dialogun po tejkalohen.<br /><br />Një qasje e tillë e BE-së dallon nga qëndrimi i Shteteve të Bashkuara të Amerikës, të cilat, krahas shfuqizimit të taksës, i kanë kërkuar kryeministrit në detyrë të Kosovës, Albin Kurti, që të mos e vë në zbatim as masën e reciprocitetit ndaj Serbisë, pasi që edhe ajo masë shihet si një pengesë për të vazhduar dhe përmbyllur dialogun, me qëllim të arritjes së një marrëveshjeje të paqes mes dy vendeve.<br /><br />Muajve të fundit, në këtë proces është vërejtur një rol më i fuqishëm dhe më aktiv i SHBA-së dhe përfaqësuesit të presidentit Donald Trump për bisedimet Kosovë ? Serbi, ambasadorit Richard Grenell.<br /><br />Nën ndërmjetësimin e ambasadorit Grenell, Kosova dhe Serbia u pajtuan në parim për vendosjen e linjës direkte ajrore, Prishtinë ? Beograd, si dhe për hapjen e linjave hekurudhore dhe autostradave që do t?i lidhnin jo vetëm këto dy vende, por edhe rajonin me BE-në.<br /><br />Për më shumë vizitoni: http://top-channel.tv/ <br /><br />Subscribe to "Top Channel" on YouTube Channel for NEWS and TV <br />Shows HERE: http://bit.ly/2Y15KwK <br />For more content from click HERE: www.top-channel.tv <br />Like Top Channel on Facebook HERE: http://bit.ly/2FglWTs <br />Follow Top Channel on Instagram HERE: http://bit.ly/2uaYG2U <br />Follow Top Channel on Twitter HERE: http://bit.ly/2TJndeH <br />#IsaMustafa#MirosllavLajçak#TopChannel
