Në episodin 24 do të ndiqni: "Pse lag murin", gratë shpulla njëra-tjetrës para policisë, i ndajnë policët (Pamjet në Emisionin 112)<br />VIDEO/Konflikti agravoi në përplasje fizike para patrullës, efektivët ndanë gratë nga njëra-tjetra<br />VIDEO /Adoleshenti me biçikletë hidhet në ajër pas përplasjes nga makina tek vijat e bardha<br /><br />Në këtë episod të Emisionit 112 jemi me patrullat e Komisariatit nr. 4 të kryeqytetit ndërsa ju sjellim video ekskluzive nga puna e përditshme e Policisë së Shtetit gjatë këtyre ditëve që vendi po kalon. Efektivët e policisë vijojnë detyrën në ndihmë të qytetarëve pavarësisht rrezikut nga COVID-19. Në episodin e sotëm efektivët reagojnë pas një konflikti në Tiranë ndërsa palët përplasen me njëra-tjetrën pasi shkon policia. <br /><br />Gazetar: Antonio Çakshiri<br />____________________<br />TIRANË - Lagia e murit ndarës të banesave me ujë është bërë shkak i një konflikti mes dy familjeve në zonën e Bregut të Lumit në Kryeqytet. Në episodin e kësaj jave të Emisionit 112 ju sjellim pamjet ekskluzive nga reagimi i Policisë së Shtetit në këtë konflikt teksa palët e përfshira vijuan të përplasen me njëra-tjetrën edhe pas mbërritjes së policisë ndërsa efektivët qetësuan situatën dhe shoqëruan dy persona në komisariat. <br /><br />Në Emisionin 112 të realizuar nga gazetari i Report TV Antonio Çakshiri ju sjellim historinë e plotë, që nga marrja e telefonatës nga salla operative deri në reagimin e patrullës së policisë në vendngjarje, përplasjen mes palëve dhe shoqërimin e tyre në komisariatin nr. 4. <br /><br />Në orët e mbrëmjes një njoftim për vjedhje në një banesë dhënë në Policinë e Shtetit përmes Komisariatit Dixhital, vë në veprim urgjent patrullën me të cilën jemi edhe ne. Ndiqni përgjatë emisionit se çfarë ndodh në këtë rast. <br /><br />Në fund të këtij episodi transmetojmë pamjet filmike nga dy aksidente të ndodhura në Tiranë. Në një nga aksidentet një adoleshent me biçikletë u përplas nga makina teksa po kalonte në vijat e bardha tek Zogu i Zi ndërsa në aksidentin e dytë një i moshuar me biçikletë u përplas nga makina në Bulevardin Zhan D'Ark.
