Udhëheqësit e shkollave do të mbajnë përgjegjësi për çdo lëshim që është bërë gjatë realizimit të procesit mësimor online në këtë periudhë të jashtëzakonshme. Kështu thanë për Alsat nga Inspektorati Shtetëror i Arsimit duke shtuar se nga e hëna do të publikohet një raport vlerësues mbi punën e shkollave dhe mësimit nga distanca. Të dhënat në këtë raport kanë për bazë kontaktet online që inspektorët kanë zhvilluar me përfaqësuesit e shkollave.<br /><br />Inspektorati Shtetëror i Arsimit<br /><br />?Nga kontaktet online që kemi zhvilluar me përfaqësuesit e shkollave, kryesisht jemi të kënaqur me procesin mësimor online. Mirëpo, kontrolle fizike në shkolla gjithashtu do të kryhen pas përfundimit të pandemisë. Inspektorët e Arsimit do të vizitojnë të gjitha shkollat në vend ku detajisht do të kontrollojnë gjithë evidencën e aktiviteteve të mësimit online. Madje, do të kërkohet edhe përgjegjësi nga drejtorët e shkollave për lëshimet eventuale gjatë realizimit të procesit arsimor online?, theksojnë nga Inspektorati Shtetëror i Arsimit.<br /><br /> Ndërkohë, nxënësit e arsimit fillor po vazhdojnë të përballen me vështirësi të ndryshme derisa po zhvillojnë mësimin nga distanca. Më vështirë, thonë se e kanë nxënësit nga klasa e gjashtë e deri në të nëntën, të cilët duhet të kryejnë detyrat pa dëgjuar shpjegimet e mësimdhënësve.<br /><br />?Detyrat i marrim prej te veb faqja e shkollës, aty i publikojnë detyrat por është shumë e vështirë. Sepse pa shpjeguar arsimtari detyrat nuk mund t?ju përgjigjemi. E kemi vështirë t?i kuptojmë detyrat. Ka ndodhë që në lëndë të caktuara nuk kanë nxjerr aspak detyra?.<br /><br />Disa nga nxënësit madje thonë se në lëndë të caktuara nuk kanë punuar asnjë njësi mësimore.<br /><br />?Lëndët që kemi punuar më shumë detyra janë gjuhë shqipe e matematikë, kemi çel grup dhe I dërgojmë aty. Ndërsa to lëndë që nuk I kanë publiku janë maqedonishtja, plot të tjera?. Ka edhe maqedonishtja, edhe disa lëndë tjera që nuk ia kanë nxjerr në faqen e shkollës?.<br /><br />Në shkollat e vendit, mësimi online po zbatohet përmes platformave të ndryshme varësisht zgjedhjes që kanë bërë mësimdhënësit. Jashtë këtij procesi kanë mbetur edhe një numër i caktuar i nxënësve, prindërit e të cilëve janë në pritje të kartelave për internet mobil.<br /><br />Melihate Rustemi
