Vetëm tre ditë më parë një 33-vjeçar nga Vlora u gjet pothuajse i dekompozuar në një godinë të braktisur në lagjen 1 maji të qytetit pasi ishte denoncuar i humbur nga familjarët.<br /><br />Në Vlorë janë dhjetra godina të braktisura të cilat tashmë shërbejnë për përdoruesit e lëndëve narkotike të cilët madje janë shumë të rinj. Qytetarë të Vlorës shprehen të shqetësuar për situatën, ndërsa kërkojnë që ato të shemben ose të ketë një projekt nga bashkia e Vlorës.<br /><br />Godinat janë kthyer tashmë në qendra të përdorimit të lëndëve narkotike një fenomen shqetësues tashmë në Vlorë.<br /><br />"E më tha nipi që para tre ditësh kanë gjetur njërin të vdekur. Ato të shemben e të ndërtohet një pallat. Lëto vetëm për siklete janë,"-shprehet një qytetare.<br /><br />"Kush e di sa herë shoh njerëz që vijnë aty dhe më vjen keq se janë të rinj. Çuna të rinj, më dhimbte shpirti. Është mirë që këto të sheshohen. I përdorin për përdorimin e drogës. Zakonisht vijnë pasdite. Djali i vdekur u gjet diku tjetër, ko këtu,"-deklaron një tjetër qytetar.
