Rrugët e Çairit përplot me fëmijë dhe të rinj të cilët qarkullojnë edhe gjatë orës policore.<br /><br />?Edhe pas njoftimeve të shumta se ora policore nuk respektohet, e njëjta gjë është edhe sonte. Policia bën kontrolle më të ashpra tani në pikat kontrolluese, por jo edhe në rrugët kryesore ose në rrugët dytësore ku qytetarët qëndrojnë më shumë?.<br /><br />Shëtitja me biçikleta dhe lojërat e ndryshme vërehen thuajse në çdo lagje.<br /><br />Për dy orë sa ekipi ynë lëvizi nëpër rrugët e Çairit, nuk vërejtëm asnjë veturë të policisë që të qarkullojë. Kontrollet e vetme i vërejtëm, në punktet ku qëndron vetë policia.<br /><br />Situatë e ngjashme edhe në Komunën e Shutkës. Lëvizja e njerëzve gjatë orës policore të lë përshtypjen se në rrugën kryesore ka aheng.<br /><br />MPB-ja njofton se në tërë territorin orën policore e kanë shkelur 52 persona. 39 persona janë arrestuar, ndërsa të tjerët përfundojnë me procedurë adekuate. Janë regjistruar edhe 33 shkelje për mos mbajtje të maskave mbrojtëse. Në 24 orët e fundit 34 personave u janë dhënë vendime për izolim, derisa 16 të tjerë kanë firmosur vendim për vet-izolim.<br /><br />Mefail Ismaili
