Kuba krokante me kos <br />Përbërësit: <br />Brumi<br />190 gr gjalp <br />100 gr sheqer <br />Sheqer vanilje <br />Pak kripë <br />4 të verdha veze <br />Lëkurë e 1 limoni <br />300 gramë miell <br />1 lugë caji pluhur pjekës <br />Mbushja e kubave<br />4 të bardha veze <br />150 gr sheqer <br />Sheqer vanilje <br />500 gr kos <br />500 gr salcë kosi <br />5 lugë gjelle ( jo me majë) miell <br />Përgatitja<br />Në një tas përziejmë gjalp, sheqer,vanilje dhe pak kripë I përziejmë për 2-3 minuta. Shtojmë një nga një të verdhat e vezëve duke I rrahur nga 1 minutë nga njëra-tjetra. Shtojmë lëkurën e limonit dhe miellin pak nga pak dhe duke e përzjerë vazhdimisht deri sa duke e punuar të na lidhet brumi. Ndajmë brumin në 2 pjesë, njërën prej tyre e mbështjellim në celefon dhe e vendosim në frigorifer( në fresk). Gjysmën tjetër do ta ndajmë në 3 pjesë, do të mbështjellim me celefon dhe do ta vendosim në ngrirje për 30 minuta. <br />Gjatë kësaj kohe përgatisim mbushjen. Në një tas rrahim me rrahëse elektrike të bardhat e vezëve për 40 sekonda më pas shtojmë pak nga pak sheqerin duke mos e ndaluar rrahjen e të bardhave deri sa të na formohet një merengë e fortë <br />Në një tas tjetër përziejmë kosin, salcën e kosit, vaniljen, dhe 5 lugë gjelle ( të prera) me miell i përziejmë mirë dhe shtojmë tek tasi me kos një nga një lugë merengën e vezëve duke I trazuar pak nga pak deri sa kosistenca e kosit të jetë homogjene.<br />Nxjerrim gjysmën e plotë të brumit dhe e hapim brumin në një madhësi 20-3- cm, e vendosim në letër pjekje në tepsi si bazën e kubave. Shtojmë mbi petën e brumit mbushjen me kos dhe të bardhat e vezëve. Nxjerrim 3 pjesët e brumit nga ngrirja dhe i vendosim në rende nga pjesa më e trashë si mbulesën e mbushjes.<br />Vendosim tepsinë në furrë në temperaturë 180 gradë Celsius për 30 minuta. E lëmë të ftohet e presim në katrorë dhe i servirim në pjatancë të pudrosura në sheqer pluhur.
