Në xhaminë e madhe në Prishtinë, u mbajt ceremonia e faljes së namazit me rastin e Fitër Bajramit.<br /><br /><br />Para një numri të vogël zyrtarësh të bashkësisë islame të kosovës, myftiu Naim Tërnava, uroi besimtarët myslimanë. Si asnjëherë më parë, për faljen e namazit të Bajramit, xhamitë në Kosovë kanë qenë të zbrazura, si pasojë e pandemisë.<br /><br />Për shkak të pandemisë, myftiu i Kosovës ka anuluar edhe pritjen tradicionale të Fitër Bajramit dhe ceremonitë e tjera.<br /><br />Myslimanët në të gjithë botën po shënojnë në fakt një festë Bajrami si asnjëherë më parë, me shumë prej tyre në izolim për shkak të koronavirusit.<br /><br />Festa e bajramit, një nga më të rëndësishmet në kalendarin mysliman, shënon fundin e muajit të shenjtë të ramazanit dhe tradicionalisht festohet me falje në xhami, dreka familjare dhe blerje rrobash të reja, dhuratash dhe ëmbëlsira.<br /><br />Por këtë vit, festimet janë lënë në hije nga koronavirusi.<br /><br />Shumë vende, nga arabia saudite e deri në egjipt, turqi dhe siri, kanë ndaluar faljet masive për të kufizuar përhapjen e sëmundjes. Arabia saudite, që mban edhe vendet më të shenjta të islamit, nisi një izolim pesë ditor nga e shtuna pasi infektimet thuajse u katërfishuan që nga fillimi i ramazanit, duke shkuar në 68 mijë, shifra më e lartë kjo në vendet e gjirit.<br /><br />Faljet e Bajramit u mbajtën në dy xhami të shenjta në qytetet e mekës dhe medinës, por pa besimtarë dhe kjo u vendos me një dekret mbretëror. Xhamia e madhe e Mekës është thuajse e zbrazur nga besimtarët që nga marsi, me një zbrazëti shokuese përreth qabesë së shenjtë.<br /><br />Xhamia Al Aksa në Jeruzalem, vendi i tretë më i shenjtë i islamit, do të hapet për besimtarët vetëm pas bajramit.<br /><br />Në Liban, autoritetet kanë lajmëruar rihapjen e xhamive vetëm për faljet e të premtes. Ndërkohë, myslimanët në Azi, nga Indonezia në Pakistan, Malajzi dhe Afganistan, i janë drejtuar tregjeve për blerjet e para Bajramit, duke shkelur rregullat kundër koronavirusit dhe ndonjëherë policia ka ndërhyrë për të shpërndarë turmat.<br /><br />Për më shumë vizitoni: http://top-channel.tv/ <br /><br />Subscribe to "Top Channel" on YouTube Channel for NEWS and TV <br />Shows HERE: http://bit.ly/2Y15KwK <br />For more content from click HERE: www.top-channel.tv <br />Like Top Channel on Facebook HERE: http://bit.ly/2FglWTs <br />Follow Top Channel on Instagram HERE: http://bit.ly/2uaYG2U <br />Follow Top Channel on Twitter HERE: http://bit.ly/2TJndeH <br />#NaimTërnava#EidMubarak#TopChannel
