Bulevardi Video Smilevski në Tetovë u përurua në shkurt, por që atëherë nuk është lëvizur as edhe një gur për të përfunduar ndërtimet. Ndërsa shumë komuna situatën me virusin Korona e shfrytëzojnë për të investuar në infrastrukturë, komuna e Tetovës arsyetohet se ndërtimet janë ndërprerë për shkak të Pandemisë.<br /><br />Ndërtimi i Bulevardit u premtua në muajin shkurt. Por pas tre muajsh autoritetet nuk kanë lëvizur edhe një gurë për ndërtimin e kësaj rruge.<br /><br /> ?Fill pas shpalljes së zgjedhjeve të parakohshme, në mënyrë pompoze u bë inaugurimi i fillimit të punëve për ndërtimin e këtij bulevardi këtu në Tetovë, por, vetëm disa ditë pas kësaj, u harruan punët rreth ndërtimit të këtij bulevardi dhe që prej dy muajsh këtu, siç e shihni, nuk ka as makineri ndërtimi e as dhe nuk zhvillohen punët për hapjen e tij?.<br /><br />Ndërsa shumë komuna e kanë shfrytëzuar frekuentimin e ulët të qytetarëve për shkak të Pandemisë për të përmirësuar infrastrukturën, komuna e Tetovës arsyetohet se ndërtimet janë ndërprerë për shkak të situatës së krijuar me COVID 19. <br /><br />Komuna e Tetovës<br /><br />?Pandemia ka bërë që punëtorët e operatorit ekonomik që merret me realizimin e këtij projekti të mos kenë mundësi të jenë në vendin e punës deri në një vendim të ri qeveritar për kthimin e gjendjes normale nga ajo e jashtëzakonshme dhe më pas do të vijojnë punimet jo vetëm tek ky projekt por edhe projektet e tjera të cilat kanë mbetur në gjysmë? ? thonë nga Komuna e Tetovës.<br /><br />Prej dy dekadash fatin e njëjtë e ka edhe bulevardi Bllagoja Toska. Banorët thonë se, disa herë punimet kanë filluar, por asnjëherë nuk kanë përfunduar.<br /><br /> ?Asnjëherë asgjë nuk do bëjmë ne, krejt në përgjithësi flas. Premtime sa të duash por realizimi asnjëherë, nuk ka pasur dhe nuk do të ketë. Ne e dimë se nuk munden barem të mos premtojnë?.<br /><br /> ?Kemi dëgjuar premtime shumë herë, nga shumë pushtetarë deri më tani që thanë se do e bëjnë pas zgjedhjeve por ende nuk e kanë bë?.<br /><br /> ?E kanë lënë pa bë, po a s`mundën të gjejnë mjete deri më tani, shikoni çfarë rruge kemi?.<br /><br />Punimet për rregullimin e bulevardit Video Smilevski Bato, kanë filluar në 13 shkurt, ndërsa është parashikuar hapja e këtij bulevardi përmes qendrës sportive dhe lidhja e tij me lagjen Tetovarja. Për projektin në fjalë janë ndarë rreth një milion euro.<br /><br />Bashkim Sulejmani
