23 raste të reja me COVID në 24 orët e fundit<br /><br />4 raste kanë rezultuar pozitiv me covid -19 në Lushnje. Katër personat kanë rezultuar pozitiv gjatë pasdites së djeshme, ndërsa ata janë karantinuar në banesën e tyre.<br /><br />Të 4 të infektuarit janë raste kontakti të ardhura nga Tirana. Të infektuarit vijnë nga dy familje të ndryshme, ku burrë e grua janë infektuar në Spitalin e sëmundjeve të brendshme në Tiranë dhe janë të karantinuar në banesën e tyre.<br /><br />Një tjetër rast është një familje ku gruaja pasi ka qenë në Tiranë, ka marrë virusin dhe më pas ka infektuar dhe bashkëshortin. <br /><br />Rreth tre muaj pas përhapjes së koronavirusit në vendin tonë është shënuar edhe rasti i parë në Sarandë. Qyteti bregdetar u konsiderua si një nga zonat e gjelbra, pasi nuk pati asnjë rast gjatë kësaj periudhe.<br /><br />Burime për Report TV bëjnë të ditur se bëhet fjalë për një shtetase ukrainase, e cila prej 6 muajsh jeton në Shqipëri.<br /><br />Mësohet se ditët e fundit ajo kishte shkuar me pushime nga Tirana në Sarandë së bashku me bashkëjetuesin e saj shqiptar.<br /><br />Çifti ka deklaruar se nuk kanë patur kontakte me qytetarë të tjerë, pasi jetonin në një apartament, ndërsa pas konfirmimit të rastit ata janë nisur me ambulancë drejt Tiranës.<br /><br />Ditët e fundit nga të dhënat e ministrisë së Shëndetësisë, rastet me koronavirus janë shtuar.<br /><br />Nga fillimi i epidemisë janë kryer mbi 15 mijë testime molekulare dhe serologjike, ndërsa numri i rasteve të konfirmuara pozitivë në të gjithë vendin është 1076. Prej tyre, mbi 76% janë të shëruar. Në vendin tonë aktualisht janë 220 persona aktivë me COVID19, kryesisht ne Tiranë, Durrës dhe Krujë.
