TIRANË-Me lehtësimin e masave kufizuese për lëvizjen e lirë të mjeteve janë rikthyer shkeljet dhe bashkë me ato edhe gjobat nga policia.<br /><br />Policia e kryeqytetit në 24 orët e fundit ka arrestuar në kushtet e flagrancës 18 drejtues mjetesh, nga të cilët 11 në gjendje të dehur dhe 7 të pa pajisur me leje drejtimi.<br /><br />Janë pezulluar 107 leje drejtimi, nga të cilat 23 për drejtim mjeti nën efektin e alkoolit, 74 për shpejtësi mbi normat e lejuara dhe 10 për shkelje të tjera të ndryshme. 78 gjoba janë vendosur për shkelje të semaforit.<br /><br />Janë gjobitur 358 drejtues mjetesh të ndryshme, të cilët janë konstatuar se qarkullonin apo kishin ndaluar në korsitë e dedikuara të shërbimit publik dhe në pistat e rezervuara për biçikletat.<br /><br />Por gjithashtu janë gjobitur 93 drejtues biçikletash, të cilët janë konstatuar duke qarkulluar në pistat që nuk janë të rezervuara për to.
