Në ditën ndërkombëtare të fëmijëve mungoi zhurma e tyre nëpër këndet e lojërave. Këtë vit nuk pati as aktivitete në shkolla, të cilat janë të mbyllura që nga shpallja e Pandemisë. Megjithatë mësimdhënësit kanë gjetur mënyra të tjera për të shënuar këtë ditë me nxënësit e tyre.<br /><br />?Kur vjen 1 Qershori,<br />zemra më gufon,<br />është festa ime,<br />është festa jonë?<br /><br />Ashtu si çdo festë tjetër në kohë të pandemisë, edhe fëmijët Ditën Ndërkombëtare të tyre e festuan ndryshe. Mungoi zëri i fëmijëve në këndet e lojërave dhe organizimet në hapësirat e shkollave.<br /><br />Në këtë periudhën kur pothuajse çdo aktivitet organizohet online, mësuesja Fatime Bajrami nga Shkolla? Naim Frashëri? në Kumanovë, ka vendosur të tregohet kreative dhe të mos lejojë që Dita Ndërkombëtare e Fëmijëve të kalojë pa argëtim.<br /><br />Dita e fëmijëve u vendos në 1 qershor, sepse në këtë datë është mbajtur Konferenca Botërore e Mirëqenies së Fëmijëve në Gjenevë, në vitin 1925. Në të njëjtën ditë, përkoi që konsulli i përgjithshëm kinez në San Francisko mblodhi së bashku një numër të konsiderueshëm fëmijësh jetim kinezë të celebronin në festivalin e ?Anijes së Dragoit?. Dy vjet më pas Festa e 1 qershorit filloi të festohet në të gjithë botën.<br /><br />Evi Shkopi
