Komuna e Likovës tashmë disa ditë është vatër e virusit korona. Të dhënat tregojnë se janë të paktën 40 raste aktive. Qendra e Shëndetit Publik do të bëj nga 100 teste në ditë.<br /><br />Prej sot kemi filluar testimin masiv në Likovë. Ekipet tona kanë dalë në terren dhe besojmë se këtë situatë mund ta kalojmë në bashkëpunim - tha Arif Latifi, Drejtor i Qendrës së Shëndetit Publik, Kumanovë.<br /><br />Komuna në bashkëpunim me imamët kërkon ndalimin e ceremonive mortore dhe ahengjeve familjare.<br /><br />Imamët kanë një rol kyç. Të gjithë faktorët duhet kyçur që të menaxhojmë këtë situatë kaq të rëndë në komunën tonë - u shpreh Erkan Arifi, Kryetar i Komunës së Likovës.<br /><br />Fshati Sllupçan si më i prekuri nga virusi kishte pak lëvizje. Disa banorë respektonin masat.<br /><br />?Dasma nuk ka. Në vdekje, pas koronës për ngushëllime. Tani jo. O shqiptar mblidheni mendjen?.<br /><br />?Populli duhet pasur kujdes të veçantë dhe duhet ruajtur. Epidemitë e kanë vetëm këtë ilaç?.<br /><br />?Maska dhe distancë duhet. Secili për vete. Virusi është aktiv?.<br /><br />Por, kishte shumë prej tyre që besonin në teori konspirative.<br /><br />?Pse nuk ke maskë? Nuk i besoj korona virusit?.<br /><br />?Ti pse po shërben pa maskë?! Nuk ka virus. Gënjeshtër është kjo?.<br /><br />?Nuk vendosi maskë. Pse të vendosi në fshat. Ja ku e kam shtëpinë?.<br /><br />?Maskën e kam në veturë. Sapo e lash?.<br /><br />Të prekur nga virusi korona janë edhe fshatrat Mateç, Hotël dhe Nikushtak. Ditë më parë Likova ka regjistruar 11 raste të reja dhe dy viktima. Në 24 orët e fundit gjatë kontrolleve të kryera, inspektorati ka mbyllur 8 lokale.<br /><br />Adrian Kerimi
