Kreu i zyrës së OSBE në Tiranë, disa ditë pas rifillimit të punës për reformën zgjedhore nga këshilli politik, ka dalë me një deklaratë përgëzuese.<br /><br />Bernd Borchardt thotë se ?OSBE po ndjek me interes të veçantë përpjekjet e partive për kompromis për çështjet të cilat OSBE/ODIHR i ka vlerësuar si problematike për shumë vjet siç janë: depolitizimi i administratës zgjedhore, balanca gjinore në listat zgjedhore, ngritja e një strukture të posaçme për eliminimin e presionit ndaj administratës dhe të shpërdorimit të burimeve shtetërore, mekanizma më të fortë kundër krimit zgjedhor, kontrolli dhe transparenca e financimit të fushatës, transparenca e medias gjatë zgjedhjeve dhe dhënia fund e praktikës së të ashtuquajturave kaseta të gatshme?.<br /><br />Por ai tërheq vëmendjen që kjo reformë të mos dobësojë tërësinë e reformave të tjera të rëndësishme për vendin.<br /><br />Çështje të tjera për të cilat prezenca e OSBE dhe ODIHR ofrohen të japin kontributin e tyre për përmbylljen e marrëveshjes brenda 31 Majit është dhe procesi i dialogut për teknologjitë e reja të votimit dhe për ndryshimin e sistemit zgjedhor.<br /><br />Ky i fundit në fakt nuk duket të jetë fare aktualisht në axhendën e dy partive të mëdha PD dhe PS, pasi siç thonë ekspertët e palëve, kërkon më shumë kohë dhe ndërhyrje në Kushtetutë.<br /><br />Reforma zgjedhore ka qenë në fokus të takimit dhe mes kryeparlamentarit Ruçi dhe ambasadores së SHBA, të zhvilluar mesditën e kësaj të enjte.<br /><br />Ruçi dhe Kim kanë diskutuar dhe për reformën në drejtësi, siç njofton Kuvendi, temë të cilën diplomatja e ka konsumuar dhe me kreun e Komisionit të Ligjeve po gjatë kësaj dite.<br /><br />Ndërhyrjen për të riparë reformën në drejtësi e ka artikuluar javët e fundit me forcë Presidenti Meta.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
