Ministri i Brendshëm Sandër Lleshaj, gjatë një vizite këtë të shtunë në pikën e kalimit kufitar të Hani të Hotit, ka reaguar për rastin e abuzimit seksualisht me një vajzë të mitur nga efektiv policie në Fushë-Arrëz.<br /><br />Lleshaj gjatë një prononcimi për mediat u shpreh se po punohet për zhvillimin e një instrumenti të ri i cili do të trajtojë këtë fenomen.<br /><br />Sipas tij, duhet ndërtuar struktura e cila të mund të bëjë bashkë disa faktorë, shkollës, shoqërisë civile që kjo çështje të merret në kontroll.<br /><br />Ministri tha se shumë shpejt do të ketë zhvillime por nuk tha me tepër detaje.<br /><br />?Rëndësi ka krijimi i klimës së lirisë për të denoncuar dhe i bëj thirrje medias, se shpesh njerëzit i druhen denoncimit për shkak të mediatizimit të gjerë të çështjes se viktimat reale, që druhen se gjithçka që do flasin do artikulohet në media e do artikulohet me qindra herë. I kam ndjekur me trishtim këto ditë lajmet e pafundme për një rast shfrytëzim prostitucioni në Shqipërinë Qendrore, ku në mënyrë të habitshme pasqyrohen të gjitha dialogët e dosjes së prokurorisë në media me preçizion, deri pervers të të gjitha detajeve, dialogëve e SMS-ve? Është e rëndësishme t?i bëj thirrje medias të mundohet të ruajë nga publiciteti detajet e rasteve, sepse kështu i frenojmë viktimat për të denoncuar. Pa denoncim s?ka reagim?. /tvklan.al
