Vazhdon trendi i numrit të lartë i të infektuarve me Kovid-19 në vend. Nga 702 teste të bëra, në 24 orët e fundit janë regjistruar 127 raste të reja. Probabiliteti i rasteve pozitive në raport me numrin e testeve sot arrin në 18 për qind. Numri më i madh përsëri në Shkup, ndërsa rekord me të infektuar ka edhe në Shtip. Tetova ka 10 raste të reja, ndërsa në Dibër është regjistruar edhe një rast i ri. Për dallim nga ditët tjera, në Kumanovë sot ka vetëm një të infektuar.<br /><br />Në Qytetin e Shkupit gjendja më kritike vazhdon të jetë në Çair ku ka 168 raste aktive. Pason Qendra, Buteli, Gazi Baba, Aerodromi dhe Saraji. Komunat tjera kanë nën 50 raste aktive.<br /><br />Për dallim nga 1 javë më parë kur numri i të shëruarve ishte dukshëm më i madh se i rasteve aktive, bilanci i të infektuarve nga 1 qershori deri sot është rritur për 929, apo 1/3 e bilancit të përgjithshëm që nga fillimi i pandemisë. Më shumë të infektuar kishte më 5 qershor, përkatësisht 180 raste pozitiv në Kovid-19. Nga 1 qershori deri sot kanë ndërruar jetë 23 persona.<br /><br />Ministria e Shëndetësisë njofton se në 24 orët e fundit kanë ndërruar jetë 3 pacientë, dy nga Shkupi dhe një nga Kumanova. Janë shëruar 7 pacientë.<br /><br />Adrian Kerimi
