Ndërroi jetë pacienti 74 vjeç nga Kumanova, i cili vuante nga virusi Korona. Gjithsej 157 të vdekur.<br />Nga 987 testet e bëra në 24 orët e fundit janë diagnostikuar 87 raste të reja pozitive me CoVid-19.<br />Prej tyre, 80 teste janë bërë nga skriningu në çerdhet e Shkupit ku sot nuk ka pasur raste të prekur.<br /><br />Ministria e Shëndetësisë<br />Shkup 41,<br />Shtip 16,<br />Kumanovë 12,<br />Tetovë 10,<br />Probishtip 4,<br />Ohër 2,<br />Strugë 1<br />Gostivar 1.<br /><br />Deri më tani janë bërë mbi 38 mijë teste, me gjithsej 3239 të infektuar dhe 1424 raste aktive. Me 5 të shëruarit sot, numri i pacientëve që e mposhtën virusin ka arritur në 1658.<br /><br />Ndërkohë, klinikat po mbushën sërish. Në Spitalin ?8 Shtatori? janë 50 pacientë, prej tyre 10 në makineri të frymëmarrjes. Kurse, në Klinikën Infektive ka arritur në 75 numri i të hospitalizuarve apo 2/3 e kapacitetit të këtij spitali. Drejtoresha Stevanoviq tha se aktualisht në makineri respiratorë nuk ka asnjë pacientë, një në frymëmarrje jo-invazive dhe 29 pacientë të tjerë në oksigjeno terapi.<br /><br />Si do të shkoj zhvillimi i gjendjes klinike të këtyre pacientëve deri në këtë moment nuk mund t?i parashikojmë, por i gjithë kujdesi dhe trajtimi është që të shërojmë sëmundjen, këtu të ndalet dhe mos të ketë përkeqësim të gjendjes - deklaroi Milena Stevanoviq, Drejtoreshë e Klinikës Infektive.<br /><br />Pas gjithë kësaj situate Kryetari i Komisionit për Sëmundje Infektive bën thirrje për vetëdijesim.<br /><br />Besoj që 20% e popullsisë ende nuk na merr për seriozisht as neve e as sëmundjen - tha ditë më parë Zharko Karaxhoski, Kryetar i Komisionit për Sëmundje Infektive.<br /><br />Adnan Qaili
