Dhjetëra punëtorë me ndihmën e inspektorëve komunal sot filluan me largimin e objekteve ilegale, në plazhet të Ohrit në pjesën nga Gorica 3 e deri në kompleksin turistik ?Shën Stefani?. Bëhet fjalë për banakë, ndërtime të forta dhe pajisje tjera urbane. Pronarët thonë se gjithçka ka ndodhur pa njoftim paraprak nga komuna.<br /><br />?Këtu ka qasje selektive. Nëse thuhet që do të fillojë nga njëra dhe do të përfundojë në anën tjetër, në këtë rast nuk është ashtu?, tha Nikolla Pavleski- pronar.<br /><br />"Ne nuk kemi asgjë kundër prishjes. Shteti duhet të marrë atë që i takon, por ne që kemi koncesione dhe disa që nuk kanë, kërkojmë që të mos ketë prishje në mënyrë selektive", u shpreh Mladen Markoski- pronar.<br /><br />"Sipas njoftimeve të shërbimeve të inspektimit respektivisht heqja e të gjitha objekteve përgjatë rivierës së Ohrit, do të vazhdojë edhe në ditët në vijim".<br /><br />Nga komuna e Ohrit thonë se bëhet fjalë për ndërtime që janë jashtë domenit të Planit të Përgjithshëm Urbanistik.<br /><br />"Pas përfundimit të aktiviteteve për heqjen e kësaj pjese të bregut, do të fillojë heqja e objekteve të tjera, siç janë muret mbajtëse, banakët, konstruksionet metalike dhe strehët, të cilat gjithashtu janë jashtë domenit të Planit të Përgjithshëm Urbanistik, e që hyjnë në liqenin e Ohrit", njoftojnë nga Komuna e Ohrit.<br /><br />Për plazhet për të cilat Qeveria miratoi dekrete për t'i kthyer në gjendjen e tyre fillestare, do të merren vendime shtesë.<br /><br />Miki Trajkovski
