Partitë mezi pritën marrëveshjen për datën e zgjedhjeve, duke filluar me fushatën para kohe. Nga selitë e partive paralajmërojnë fitore. Ata sigurojnë se do të zhvillojnë fushata të sigurta. LSDM beson se qytetarët tek ata do të njohin një qeveri të përgjegjshme.<br /><br />Mos harroni, qytetarë të nderuar. Gjatë gjithë krizës, Mickoski dhe partia e tij e lajmeve të rreme, a bëri thirrje që të respektohen masat apo vendosën pengesa gjatë gjithë kohës dhe e minonin sistemin shëndetësor? - deklaroi Ljupço Nikolovski, LSDM.<br /><br />Nga VMRO DPMNE thonë akuzuan kreun e LSDM-së Zaev për përdorimin e krizës shëndetësore për të pasuruar kompanitë e tij.<br /><br />VMRO DPMNE është ndryshe nga LSDM. "Zaev ka krijuar një regjim hibrid në të cilin, ndërsa ai pasurohet, Maqedonia po fundoset në korrupsion, krim dhe varfërim -tha Ruzhica Nikolovska, VMRO-DPMNE.<br /><br />E BDI ndjehet e shqetësuar për reagimet e partive maqedonase për shkak të nismës për kryeministër shqiptar.<br /><br />Gjuha e urrejtjes dhe përhapja e nacionalizmit në radhët e përfaqësuesve politikë maqedonas flasin për mosgatishmërinë e shoqërisë për barazi të plotë dhe trajtim të barabartë të të gjithë qytetarëve - thonë nga BDI.<br /><br />Nga Koalicioni Aleanca për Shqiptarët dhe Alternativa thonë se zgjedhjet e 15 korrikut janë mundësi e artë për ta bërë ndryshimin politik.<br /><br />Tash është koha t'ua kthejmë shqiptarëve krenarinë dhe dinjitetin shpesh herë të humbur dhe të nëpërkëmbur. Tash është koha e ndryshimit dhe e fitores sonë të përbashkët sa të pritur, po aq të domosdoshme! - shprehen nga Aleanca për Shqiptarët ? Alternativa.<br /><br />Fushata fillon në 23 qershor dhe do të zgjasë deri në mesnatën e 12 korrikut.<br /><br />Vesna Vellkova
