Shtabi i krizës i komunës së Tearcës ka angazhuar edhe mjekët amë në fushatën për ndërgjegjësimin e popullatës për mbrojtje nga virusi korona. Mjekët amë filluan këshillimin e banorëve për mbajtjen e detyrueshme të masave dhe distancës. Ndërkaq kërkojnë me ngulm nga qytetarët të mos i fshehin simptomat, pasi në këtë mënyrë vjen deri te shtimi i numrit të të infektuarve.<br /><br />I lus qytetarët sidomos ata që shfaqin simptoma gripi sepse ata nuk mund t?i dallojnë nëse janë simptoma gripi apo të kovid 19, që të mos i fshehin simptomat po të paraqiten te mjeku amë dhe mundësisht të caktojnë termin për testim të kësaj sëmundjeje. Ky është problemi më i madh sepse i fshehin simptomat vetëm që ti ikin vetizolimit -deklaroi Betim Limani, mjek amë.<br /><br />Ndërkohë, nëpër rrugët e fshatit Tearcë, edhe më tej shumica e banorëve vazhdojnë të lëvizin pa maska dhe duke mos e respektuar distancën.<br /><br />?Kur jam brenda jo por kur dal jashtë mbaj maskën. Por e di çka është puna, ne jemi fajtorët, populli. Duhet vet ta mbajmë maskën vetë ta mbrojmë jetën tonë?.<br /><br />?Se mbaj se jam afër ja dy minuta afër jam?.<br /><br />?Qeveria e bën vet këtë, a patëm situatë të jashtëzakonshme, marketet krejt punonin?.<br /><br />?Harrova, e di se jam në rrezik?.<br /><br />Disa banor thonë se mos respektimi i masave vjen edhe si pasojë e mungesës së patrullës policore, dhe dënimin e atyre që nuk mbajnë maska.<br /><br />?Duhet kontrolle nga kontrolluesit dikush duhet ta mbrojë popullin?.<br /><br />Mbi 50% e të infektuarve nga kjo Komunë janë pikërisht në fshatin Tearcë. Për momentin 12 raste janë aktive ndërsa ka 4 vatra të infeksionit.<br /><br />Bashkim Sulejmani
