Arkiva Lajme - Tv Klan 2000<br /><br />Me shumicën absolute prej 99.98% të votave të delegatëve të Kongresit të 3-të, Skëndër Gjinushi është rizgjedhur kryetar i kësaj partie me një mandat tjetër 4-vjeçar. Pas numërimit të votave në selinë e PSD deri në orët e vona të mbrëmjes, komisioni i kryesuar nga zëvendës ministri i Ekonomisë dhe Privatizimit Pajtim Bello, shpalli rezultatin. <br /><br />Pajtim Bello:- ?Nga 495 fletë votimi të vlefshme, për zotin Skënder Gjinushi janë, fletë votimi pro 493, fletë votimi kundër 2?.<br /><br />Gjinushi udhëheq socialdemokratët që nga viti 1991. Pas shpalljes kryetar, Gjinushi tha se së bashku me socialistët duhet krijuar e majta e bashkuar për t?i fituar 70% të votave në zgjedhje. Votimi për këtë objektiv dhe ndryshimet statutore u bë me duartrokitje nga salla. Megjithatë Gjinushi tha se i takon PS që në kongresin e saj të katërt të pranojë marrëveshjen me PSD në të kundërt kjo parti mund t?i fitoj dhe e vetme zgjedhjet. <br /><br />Në listën prej 101 anëtarësh të këshillit të ri kombëtar socialdemokrat nuk janë përfshirë fraksionistët Dhori Kule, Ylli Pango e Bari Myftari, të cilët e kanë cilësuar të manipuluar këtë kongres. <br /><br />Skënder Gjinushi, Kryetar i PSD:- ?Me këtë shfaqem hapur që nuk jemi dakort që ministrat të anatemohen nëpër media, veçanërisht nga aleatët ose nga institucionet e shtetit, sepse edhe në qoftë se ka probleme ato debatohen edhe në tavolinë dhe s?ka pse të bëhen objekt mediash dhe të deformohen?.<br /><br />Me rizgjedhjen kryetar të Skënder Gjinushit ka mbyllur punimet Kongresi i 3-të i socialdemokratëve. Kongresi është zhvilluar në atmosferë të qetë, pa konflikte dhe incidente./tvklan.al<br /><br />Gazetar ? Vladimir Lame <br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
