GJIROKASTËR- Ka dalë këtë të premte para gjykatës së Gjirokastrës, 67 vjecari Janaq Koleta i cili dy ditë më parë vrau fqinjin e tij në fshatin Labove të Zhapës. Gjyqtarja Blerta Çibuku vendosi masën e sigurisë arrest me burg pavarësisht pretendimeve të autorit dhe avokatit të tij.<br /><br />Seanca është zhvilluar me dyer të mbyllura, ndërsa në ambientet e jashtme u la vetëm vëllai i agresorit. Në seancë nuk ishin të pranishëm familjarët e viktimës, 60 vjeçarit Andrea Xhavara.<br /><br />Burimet thanë se autori i dyshuar i krimit, Janaq Koleta ka kërkuar nga gjykatësja një masë sigurie më të lehtë. Ai është shprehur se e ka goditur Xhavaren me një shkop, por nuk ka patur qëllim ta vrasë.<br /><br />I gjithë sherri ka ndodhur për humbjen e një pele në fshatin Labovë. Autori ka pretenduar se viktima i ka vjedhur pelën dhe në debat e sipër të mërkurën në mbrëmje, Koleta e ka qëlluar Xhavaren disa herë me shkop. Ai është rrëzuar dhe nga përplasja në tokë ka humbur jetën.<br /><br />Prokurorja Ermira Manelli kërkoi sot arrest me burg në gjykatë për 67 vjecarin, ndërsa avokati i tij kërkoi një masë sigurie më të lehtë për shkak edhe të gjendjes jo të mirë shëndetësore. Në përfundim gjyqtarja vendosi që i moshuari të qëndrojë në burg deri në përfundim e plotë të hetimeve për vrasjen e 60 vjecarit Andrea Xhavara.
