Ekzekutimi i Hekuran Billës në Tiranë është klasifikuar nga prokuroria si vrasje për gjakmarrje, një vepër penale që ndëshkohet automatikisht me burgim të përjetshme nga Kodi Penal shqiptar.<br /><br />Nën këtë akuzë është vënë Viktor Marku, i cili është ekzekutori kryesor. Ai u ndalua në Mal të Zi, dy ditë më parë dhe i është dorëzuar dje policisë shqiptare.<br /><br />Viktor Marku, banues në Nicaj, Shkodër, është vëllai i viktimës Prel Marku i vrarë në vitin 2006 në Londër, krim për të cilin është akuzuar dhe dënuar viktima Billa.<br /><br />Në vijim të të njëjtit operacion në Shkodër u arrestua në flagrancë shtetasi Andih Agraja, të cilit gjatë kontrollit fizik, në çantën e krahut, iu gjet e iu bllokua në cilësinë e provës materiale, 1 armë zjarri tip pistoletë dhe 1 krehër me 7 fishekë.<br /><br />Agraja ka pohuar në polici se Viktor Marku kishte marrë një makinë me qira në agjencinë e tij. Kjo kishte qenë pjesë e skenarit të gjerë që kishin organizuar vrasësit, për të mos lënë gjurmë.<br /><br />Por në numrin e madh të makina që janë përdorur ata kanë lënë gjurmë gishtash duke bërë që policia të shkojë me radhë tek të gjithë anëtarët e grupit që ka marrë pjesë në vrasjen e Billës.<br /><br />Arrestimi Viktor Markut duket se është bërë me prova të mjaftueshme për të ngritur akuzën e rëndë të vrasjes për gjakmarrje, e cila ndëshkohet aktualisht me maksimumin që parashikon Kodi Penal.<br /><br />Dënimet për krimin e gjakmarrjes janë forcuar shumë pak vite më parë pikërisht në përpjekje për të ndaluar vrasjet në seri që ndodhnin kryesisht në zonën e veriut të vendit, me motiv gjakmarrjen.<br /><br />Për këtë çështje është arrestuar më parë nipi i Viktor Markut, Sebastian Mali dhe është shpallur në kërkim një tjetër person, që ndihmoi Markun të largohej nga vendi i ngjarjes pas atentatit.<br /><br />Klan Plus<br />SUBSCRIBE to "RTV KLAN" on YouTube for more videos!<br /><br />Për më shumë informacione vizitoni faqen tonë web https://tvklan.al/ <br />Videot e fundit nga Tv Klan i gjeni në faqen https://tvklan.al/video/ <br />Follow Tvklan on Facebook: https://www.facebook.com/tvklan/ <br />Follow rtvklan on Instagram: https://www.instagram.com/rtvklan/ <br />Programet e Tv Klan mund ti ndiqni edhe në faqen https://tvklan.al/programe/
