Koronavirusi nuk është larguar. Disa vende, vazhdojnë të përballen me epidemi të mëdha, por edhe ato që aktualisht e kanë virusin nën kontroll, druajnë valën e dytë.<br /><br />Faza e dytë e gripit spanjoll, një shekull më parë, ishte më vdekjeprurëse se e para. Por, a është një valë e dytë e paevitueshme dhe sa e rëndë mund të jetë ajo.<br /><br />Pikë së pari, çfarë është një valë e dytë. Ekspertët thonë se mund ta mendoni atë si valët e detit. Numri i infeksioneve rritet dhe më pas bie sërish, cdo cikël është një valë koronavirusi. Sidoqoftë, nuk ka një përcaktim zyrtar. Disa e përshkruajnë çdo rritje si një valë të dytë, por shpesh ajo është një goditje e valës së parë.<br /><br />Kjo po ndodh në disa shtete amerikane. Për të thënë se një valë ka përfunduar, virusi duhet të jetë vënë nën kontroll dhe rastet të kenë rënë ndjeshëm.<br /><br />Që një valë e dytë të fillojë, duhet të ketë një rritje të vazhdueshme infektimesh. Zelanda e re, që ka patur rastet e para pas 24 ditëve pa koronavirus dhe Pekini që po përballet me një shpërthim të ri pas 50 ditësh pa virus, nuk janë në këtë pozicion.<br /><br />Por, disa shkencëtarë argumentojnë se Irani mund të jetë duke plotësuar tani kushtet për një valë të dytë. Sidoqoftë, e qartë është se virusi vazhdon të jetë mes nesh dhe nuk është më pak vdekjeprurës apo më pak infektues se sa në fillim të 2020.<br /><br />Izolimet kanë shkaktuar probleme të mëdha në të gjithë botën duke shkatërruar vende pune, duke prekur shëndetin e njerëzve dhe duke i mbajtur fëmijët larg shkollave.<br /><br />Por ato kanë kontrolluar virusin. Tani, pikëpyetja kryesore është si të mbahet ai nën kontroll duke minimizuar pengesat. Askush nuk është 100 për qind i sigurt, se sa larg mund të shkojmë?.<br /><br />Ndaj masat po hiqen me faza dhe mënyra të reja për kontrollin e koronavirusit, si psh gjurmimi i kontakteve apo maskat mbrojtëse, po aplikohen.<br /><br />Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. ? Informohu i pari? , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. <br /><br />Për më shumë vizitoni: http://top-channel.tv/ <br /><br />Subscribe to "Top Channel" on YouTube Channel for NEWS and TV <br />Shows HERE: http://bit.ly/2Y15KwK <br />For more content from click HERE: www.top-channel.tv <br />Like Top Channel on Facebook HERE: http://bit.ly/2FglWTs <br />Follow Top Channel on Instagram HERE: http://bit.ly/2uaYG2U <br />Follow Top Channel on Twitter HERE: http://bit.ly/2TJndeH <br />#OBSH#NewZeland#TopChannel
