TIRANË- 22 qershori shënon rinisjen e fluturimeve nga Aeroporti "Nënë Tereza", megjithatë kjo vlen vetëm për rezidentët, ato që janë arsye shëndetësore apo biznesi, ndërsa për qytetarët e thjeshtë të Shqipërisë do vazhdojë të ketë kufizime.<br /><br />Report Tv me gazetaren Eliza Gjediku ka bërë një vëzhgim në aeroport, ku shihet që qytetarët janë të pajisur me maska, kusht ky i vendosur nga ana e autoriteteve, por nuk respektohet distanca sociale prej minumumi prej 1.5 m mes pasagjerëve me njëri- tjetrin, para se të futen për të bërë check-in. Qytetarët kalojnë nga tuneli i dezinfektimit si dhe u matet tempatura me skaner termik. Në aeroportin "Nënë Tereza" të Rinasit të gjithë pasagjereve që nisen dhe mbërrijnë në aeroport iu bëhet matja e temperaturës me skaner termik. Gjithashtu ata kalojnë dhe në tunelin dezinfektues", tha Dr.Lorenc Hashorva, Shef i Njësisë se Inspektimit Shëndetësor në Rinas për Report Tv.<br /><br />Ndërkohë, në protokoll parashikohet që qytetarët të plotësojnë edhe një formular të historikut të tyre, nëse kanë një person të afërt me COVID, por qytetarët jashtë kamerës shprehen se nuk u është vënë në dispozicion nga ana e autoriteteve. Distancimi social nuk është kriter për pasagjerët në avion, pasi fluturimet kryhen me kapacitet të plotë, mjafton mbajtja e maskave, teksa kompanitë ajrore janë këshilluar që të mos shërbejnë ushqim për arsye sigurie.<br /><br />Qytetarët shprehen se çmimet e biletave janë të arsyeshme.<br /><br />"E kemi prerë biletën dje, kam qenë në spital dhe do të shkoj të shtrohem. Cmimi ishte i arsyeshëm, 85 euro. Do të qëndroj 5-6 ditë sa të bëhet vizita", tha për mikrofonin e Report Tv, një qytetar.
