Dalja në votimet më 15 korrik, sipas kryeministrit Oliver Spasovski, nuk nënkupton rrezik për shëndetin e qytetarëve. Kryeministri ftoi të gjithë pjesëmarrësit në zgjedhje të respektojnë masat dhe protokollet e institucioneve shëndetësore.<br /><br />E drejta e qytetarëve për të shfrytëzuar votën e tyre, nuk do ta rrezikojë shëndetin e tyre. Bazohem te epidemiologët të cilët theksojnë se procesi i votimit nuk i ekspozon qytetarët në rrezik, nëse i respektojnë masat. Në vendvotim vonohemi 3 deri 5 minuta që është më shkurt se shkuarja në market ose në treg. Është e rëndësishme ta kuptojmë se duhet t?i mbajmë maskat dhe të mbajmë distancë - tha Oliver Spasovski, kryeministër.<br /><br />Ndërkohë, Presidenti Stevo Pendarovski kërkoi fushatë të sigurt në aspektin shëndetësor dhe përgjegjësi nga institucionet kompetente, të punojnë në mënyrë profesionale.<br /><br />Të gjithë pjesëmarrësit në proces të ndikojnë që zgjedhjet të jenë të drejta, të lira dhe demokratike, me fushatë në të cilën pjesëmarrja do të jetë e sigurt për të gjithë, edhe për kandidatët edhe për qytetarët, me dinjitet dhe gjithëpërfshirëse. Institucionet kompetente të punojnë në mënyrë profesionale, në përputhje me parimet e përgjegjësisë, barazisë dhe paanshmërisë. Qytetarët të dalin dhe të votojnë sipas bindjes së tyre, pa frikë dhe presione dhe të vendosin vetë për cilin opsion do ta japin votën dhe besimin e tyre - shkroi në FB Stevo Pendarovski, President.<br /><br />Presidenti u bëri thirrje mediave për raportim të drejtë dhe objektiv, pasi pandemia do të ndikojë në reduktimin e kontakteve direkte mes kandidatëve dhe qytetarëve.<br /><br />Fatlume Dervishi
