Mbledhja e grupit parlamentar të Partisë Socialiste vonoi me gati një orë nisjen e seancës plenare. Burimet bëjnë të ditur se shkak i kësaj vonesë u bë pasi grupi parlamentar i PS kishte debate për kandidaturën për kreun e KLSH, Arben Shehu.<br /><br />Burime nga brenda mbledhjes bënë të ditur se deputetet Erjon Braçe, Bashkim Fino dhe Spartak Braho kanë shprehur kritika për emrin e Arben Shehut ne krye te KLSH. Ata kërkojnë llogari se pse u pranua kandidaturat e Shehut. Pro, pavarësisht kundërshtimeve nga disa deputetë socialistë mësohet se kandidatura e Shehut do të votohet në Parlament. <br /><br />Dy ditë më parë Komisioni i Ekonomisë miratoi propozimin e presidentit të Republikës Ilir Meta për Arben Shehun në krye të KLSH-së. Kryetarja e Komisionit të Ekonomisë Milva Ekonomi u shpreh se shërbimet e Kuvendit kanë dalë në përfundimin se kandidati për KLSH i përmbush kriteret.<br /><br />Vetë Shehu në fjalën e tij theksoi se "Do të zbatoj të gjitha parimet thelbësore, që duhet të respektoj ky kontroll. Që veprimtaria e kontrollit të jetë efektive duhet të ndiqen standarde evropiane. Nëse ndjekim standardet e duhura kontrolli është efektiv.<br /><br />Prej disa muajsh kishte një 'luftë' të heshtur për këtë post, me propozime nga Presidenti dhe rrëzime nga socialistët.<br /><br />Vitore Tusha, Bahri Shaqiri dhe Petraq Milo, ishin tre kandidatët e parë që PS-ja i rrëzoi Ilir Metës për zëvendësuesin e Bujar Leskajt në krye të KLSH-së. Por duket se propozimi i katërt ka bindur shumicën, të paktën në komisionin e Ekonomisë për të votuar Arben Shehun.
