Pasi emigroi prej disa vitesh në Greqi, Bashkim Xhina vendos që të realizojë ëndrrën për të prekur Perëndimin duke u pajisur me një pasaportë false, që e përdori për të ikur në Francë. Aty ai shfaqej si grek me identitet të rremë I njohur si Kristo Xhima dhe telefononatën e fundit e relaizoi me të vëllanë nga Franca në fund të gushtit të vitit 1998, duke i thënë se dëshironte të kthehej në Shqipëri, por nuk ishte i pajisur me letra.<br />Në ishullin grek ku ka qëndruar për 5 vite, Bashkimi ishte njohur me një çift anglez, me të cilët kishte krijuar një miqësi të ngushtë. Nga kjo miqësi lindin edhe dyshimet tek çifti anglez se e ndihmoi për të kaluar kufirin. Ai humbi kontaktet me familjarët e tij në vitin 1998, nga qyteti Nicë i Francës. Bashkimi dhe vëllai i tij Dylaveri kishin emigruar që herët drejt tokës helene, ku qëndruan 5 vite sëbashku deri kur u ndanë në vitin 1995. Destinacioni i radhës i Bashkimit do të ishte Franca. I pajisur me pasaportë false greke, me një tjetër identitet si Kristo Xhima ai vendoset përfundimisht në Nicë, të Francës ku punonte si kuzhinier në një restorant atje.<br />Ai pati kontakte të rregullta me familjarët në Shqipëri. 22-vjeçar asokohe la të fejuarën në Shqipëri dhe vetë nuk u bë më kurrë i gjallë. Në dijeninë e familjarëve ai nuk ka pasur konflikt me askënd, që të mund të lidhin kësisoj zhdukjen e tij pa lënë asnjë gjurmë. Sot, familjarët jan ende në kërkim të tij edhe pse ka kaq shumë mister zhdukja e elbasanlliut, i cili në telefonatën e fundit ishte i vendosur për t'u kthyer në atdhe.<br /><br />Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv
